Dünya

Bir qisas hekayəsi: ata İŞİD-ə divan tutdu - FOTO

3 Fevral 2015 10:49

1 Şərh Baxış: 3 305

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #FOTOSESSİYA #MARAQLI #TERRORİZM #İŞİD

Dünyanın ən təhlükəli, böyük və qəddar terror qruplaşması sayılan "İraq və Şam İslam Dövləti" (İŞİD) yaranandan bəri belə qəfil, ağır zərbə almamışdı.

Oğlunu İŞİD terrorçuları güllələmiş ata balasının qisasını alıb. O, İŞİD-in dayaq məntəqələrindən birinə sızaraq orada qarşısına çıxan hər terrorçunu güllələyib.

Oğul qisası alan ata bu minvalla İŞİD-in 7 terrorçusunu cəhənnəmə vasil edib.

Milli.Az Al Mayadeen-ə istinadən bildirir ki, olay İraqın Tikrit şəhərində baş verib.

İraqın sabiq və mərhum prezidenti Səddam Hüseynin hakimiyyəti illərində orduda xidmət etmiş, snayper olmuş və mayor rütbəsinədək yüksəlmiş Məhəmməd Əhməd Ramazan "Səhra aslanı" kimi tanınırdı. O, çox sərrast və usta snayperdi.

İraq ABŞ qoşunları tərəfindən işğal ediləndən sonra 63 yaşlı "Səhra aslanı" sevimli "Remington" tüfəngini yağlı kağıza bükərək şəhərdən kənarda, qumsallıqda basdırmışdı. O, bir daha əlinə silah almayacağına and içmişdi.

Və o gündən bəri Məhəmməd Əhməd Ramazan dinc həyat sürürdü.

Ta ki, İŞİD onun yaşadığı şəhəri, Tikriti ələ keçirənədək.

Tikritə hakim olan terrorçular burada öz qanlı "qanun"larını bərqərar ediblər.

Məhəmməd Əhməd Ramazanın yeganə oğlu, 18 yaşlı Əhməd Bəsil Ramazan İraq ordusunda xidmət edirdi.

İŞİD hücumlarından birində Məhəmmədi və onun 7 yoldaşını əsir almışdı.

8 iraqlı hərbçi iki həftə əvvəl edam olunub.

Oğlunun edam xəbərini alan ata övladının qanını yerdə qoymamaq qərarına gəlib.

Şəhər kənarına yollanan "Səhra aslanı" illər əvvəl qazıb torpağa basdırdığı tüfəngini çıxarıb və Tikritə qayıdıb.

Bir saat sonra isə İŞİD-in Tikritdə keçirilən komanda-qərargah toplantısına qatılmış komandirlərindən 7 nəfəri güllələnib.

Milli.Az

Böyütmək üçün şəkillərə klikləyin.