Kulinariya

Köp yaratmayan möhtəşəm ləzzət: Qlütensiz ispanaqlı börək resepti

11 İyun 2026 05:05

Baxış: 3 687

VTB-də minimal faiz dərəcəsi ilə nağd kredit 9.9%-dən

#MARAQLI #KULİNARİYA

Qlütensiz qidalanma son illərdə təkcə bir məcburiyyət deyil, həm də daha yüngül və balanslı qidalanmaq istəyənlərin seçiminə çevrilib. Tərkibində qlüten olmayan, xəmir yuxası istifadə edilmədən qarğıdalı unu ilə hazırlanan bu ispanaqlı börək, həm yüngül, həm də bəsləyici bir alternativ axtaranlar üçün nəfis bir seçimdir.

Milli.Az ispanaqlı börəyin reseptini təqdim edir:

Lazım olan ərzaqlar
Börək qarışımı üçün:

2 ədəd yumurta

1 stəkan qatıq

1 stəkan qarğıdalı unu

1 paket qabartma tozu

1 çay qaşığı duz

1/2 çay qaşığı istiot

2 stəkan doğranmış ispanaq

1/2 stəkan sürtgəcdən keçirilmiş kaşar pendiri (və ya istənilən əriyən bərk pendir)

Üzəri üçün:

1 dad qaşığı küncüt

1,5 çay qaşığı çörek otu

HAZIRLANMASI
Yumurta, qatıq, duz, istiot və qabartma tozunu geniş bir qabda yaxşıca qarışdırın.

Üzərinə qarğıdalı ununu əlavə edərək hamar (topaqsız) bir xəmir əldə edənə qədər çalın.

Doğranmış ispanaqları bu qarışıma əlavə edib bərabər şəkildə paylanmasını təmin edin.

Hazırladığınız qarışımı yağlanmış soba qabına tökün.

Üzərinə sürtgəcdən keçirilmiş kaşar pendirini səpələyin.

Küncüt və çörek otu səpərək son toxunuşu edin.

Əvvəlcədən 185°C dərəcəyədək qızdırılmış sobada, üzəri qızarana qədər (təxminən 25 dəqiqə) bişirin.

Börəyi dilimləyərək isti və ya ilıq halda servis edə bilərsiniz. Nuş olsun!

Lalə Qüdrətova
Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ