Dünya

Çe Gevaranın qızı: "Fidel atamla danışır" - FOTO

20 Dekabr 2014 12:50

0 Şərh Baxış: 2 411

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #FOTOSESSİYA #CUBA

"ABŞ və Kuba arasında münasibətlərin istiləşməsi ölkəmizin kapitalist sisteminə qayıdışı demək deyil. Əgər ABŞ düşünürsə ki, belə dəyişikliklər Kubanı geriyə, kapitalizmə qaytaracaq və kubalılar yenə ABŞ-ın ən güclü maliyyə qruplarının maraqlarına xidmət edəcəklər - amerikalılar, sadəcə, xəyalpərəstlərdir".

Kubanın rəhbəri Raul Kastronun qızı, ölkənin əfsanəvi lideri Fidel Kastronun qardaşı qızı Mariela Kastro belə deyib.

Milli.Az El Mundo-ya istinadən bildirir ki, Mariela Kastro eyni zamanda Vaşinqtonun Havanaya qarşı tətbiq etdiyi sanksiyaları bir qədər zəiflətmək niyyətini təqdir edib.

Onun dediyinə görə, sanksiyaların zəifləməsi blokada nəticəsində çətinliklərin yaşandığı səhiyyə, təhsil, idman, elmi və bədii layihələri inkişaf etdirməyə imkan verəcək.

Çe Gevarının ikinci arvadından olan 4 övladı arasında ən böyüyü Adelaida Gevara isə bildirib ki, Kubadakı rejimin dayaqları zəifləyib.

"88 yaşlı Fidel Kastro hələ də atamı unutmayıb və unutmaq niyyətində deyil. Atamın Boliviya meşələrində qətlə yetirilməsindən 50 il keçsə də, "Komandante" hələ də Çeni düşünür. Fidellə danışanda bəzən gülümsəyirəm. Çünki o, atamdan bəhs edəndə elə danışır ki, sanki atam sağdır, yanındadır. Bir dəfə ona səhv etməsi barədə ehmalca işarə vuranda Fidelin cavabı qısa oldu: "Bil ki, atan indi burada, yanımızdadır". Fidel mənə dəfələrlə deyib ki, atamı ölü saymır. O, atamı tez-tez yuxuda gördüyünü də söyləyib".

Fidel Kastro xeyli vaxtdır görünmür.

O, ikinci arvadı və 5 övladı ilə birlikdə Dalya Soto del Valyedəki ikimərtəbəli, 1950-ci ildə tikilmiş malikanəsində yaşayır.

Milli.Az

Böyütmək üçün şəkillərə klikləyin.