Dünya

Təyyarədə qorxu və rüsvayçılıq - VİDEO - FOTO

16 Dekabr 2014 10:59

2 Şərh Baxış: 6 946

VTB-də minimal faiz dərəcəsi ilə nağd kredit 10.49%-dən

#FOTOREPORTAJLAR #FOTOSESSİYA #MARAQLI #VİDEO #AİRASİA BHD

Yerindən narazı olan sərnişin qadın qaynar əriştə nimçəsini stüardessanın üstünə atıb. Qadının sevgilisi isə söyməyə, sonra da "Bu lənətə gəlmiş təyyarəni partladacağam!" bağırmağa başlayıb.

Milli.Az Xinhua-ya istinadən bildirir ki, olay Taylandın "AirAsia" aviaşirkətinin Banqkokdan Çinin Nankin şəhərinə uçan təyyarəsində yaşanıb.

Aldığı biletdə göstərilən yerdən narazı qalan sərnişin qadın çığırmağa, qışqırmağa, yerinin dəyişdirilməsini tələb etməyə başlayıb. Stüardessalardan biri ona yaxınlaşıb, qanunsuz və haqsız tələb irəli sürən sərnişini sakitləşdirməyə çalışıb.

Bu zaman qadın təyyarədə nahar qismində sərnişinlərə verilən əriştə qabını stüardessanın üstünə atıb.

Stüardessa qaynar əriştədən yanıq yaraları alıb.

Olay bununla bitməyib.

Çığır-bağır salan qadının yanındakı sevgilisi də qışqırmağa başlayıb. Onu sakitləşdirmək üçün cəhd göstəriləndə isə adam "Bu lənətə gəlmiş təyyarəni partladacağam!" bağırmağa başlayıb.

Təyyarənin baş pilotu Banqkoka qayıtmağa qərar verib.

Layner hava limanında yerə enəndən sonra çılğın qadınla onun xuliqan sevgilisi həbs olunublar.

Stüardessanın üzərinə qaynar əriştə atan qadın 50 min Tayland batı (təqribən 1100 dollar) məbləğində cərimələnib.

Milli.Az

Böyütmək üçün şəkillərə klikləyin.