Dünya

Vurulan təyyarə ilə bağlı MƏŞUM İDDİA - FOTO

15 Noyabr 2014 10:10

0 Şərh Baxış: 3 175

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #FOTOSESSİYA #MARAQLI #BOEİNG CO #MALAYSİAN AİRLİNES SYSTEM BHD #KOMSOMOLETS COAL MİNE OJSC

Rusiyanın kütləvi informasiya vasitələri Malayziyanın "Malaysia Airlines" aviaşirkətinin Ukrayna səmasında vurulmuş Boeing 777 sərnişin təyyarəsi ilə bağlı yeni məlumatları açıqlayıb.

MH17 reysi ilə uçan təyyarənin Ukraynanın MiG-29 qırıcı təyyarəsindən buraxılmış raketlə vurulduğu iddia olunur.

Moskvada dərc olunan "Moskovskiy Komsomolets" qəzeti belə iddia ilə çıxış edib.

Milli.Az MK-ya istinadən bildirir ki, "Uçuşların təhlükəsizliyi" konsaltinq-analitik agentliyinin baş direktoru Sergey Melniçenkonun dediyinə görə, Rusiyanın Rostov şəhərindəki Hava Nəqliyyatının İdarəetmə Mərkəzinin lokatorları vasitəsilə əldə olunmuş görüntülərdə Malayziya avialaynerinin solunda mənşəyi naməlum nöqtələr görünür.

"Bu nöqtələr təyyarələrdir. Həmin təyyarələr Rusiyanın deyil. Ukraynanın şərqindəki silahlı birləşəmələrin də təyyarələri yoxdur. Rostovdak mərkəzin lokatorlarının görüntüləri təyyarənin 20 dəqiqə ərzində lokasiya müşayiətinin nəticəsidir. Bənövşəyi rənglə MH17 reysinin onunla əlaqə kəsilənədək hərəkət kursu, mavi xətlərlə başqa sərnişin reysləri göstərilib. Qırmızı ox işarəsi isə lokatorun aşkarladığı bir və ya bir neçə naməlum təyyarədir. Həmin təyyarələrin hərbi təyyarələr olduğunu güman edirik", - S.Melniçenko deyib.

Rusiya Hərbi-Hava Qüvvələrinin Baş Qərargah rəisi İqor Makuşev aylar əvvəl bildirmişdi ki, Malayziyanın sərnişin təyyarəsini Ukraynanın hərbi təyyarəsi vurub. Amma Rusiyanın kütləvi informasiya vasitələrində belə "sübut"lar faciədən 119 gün sonra peyda olub.

Xatırladaq ki, iyulun 17-də "Malaysia Airlines" şirkətinə məxsus, Amsterdam- Kuala-Lumpur marşrutu ilə uçan "Boeing 777" təyyarəsi Ukraynanın Donetsk vilayəti üzərində rusiyameylli separatçılar tərəfindən vurulub.

Hadisə zamanı 298 nəfər dünyasını dəyişib.

Bunlardan 15 nəfəri ekipaj üzvü olub.

Milli.Az

Böyütmək üçün şəkillərə klikləyin.