Dünya

Səs verənlərin barmaqlarını kəsdilər - FOTO

16 İyun 2014 10:56

0 Şərh Baxış: 2 096

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #AFGHANİSTAN

"Taliban" hərəkatının mücahidləri Əfqanıstanın Herat vilayətində 11 nəfərin sol əllərinin şəhadət barmaqlarını kəsiblər. 20 seçici və seçki məntəqələrindən birinin əməkdaşı isə güllələnərək qətlə yetiriliblər.

Bu adamların "günah"ları Əfqanıstanda keçirilən prezident seçkilərinin 2-ci mərhələsinə qatılmaları idi.

Milli.Az Al Jazeera-ya istinadən bildirir ki, rəsmi Kabilin verdiyi bəyanata görə, Əfqanıstanda səsvermə hüququna malik 12 milyon vətəndaşın 7 milyon nəfəri səs verib.

Ədalətli və normal seçkiləri təmin etmək, bir nəfərin iki və daha artıq dəfə səs verməsinin qarşısını almaq üçün seçicilər seçki bülletenini qutuya samazdan əvvəl sol əllərinin şəhadət barmaqlarını mürəkkəbə batırıblar.

"Talib"lər də 11 nəfəri cəzalandıraraq onların mürəkkəbə boyanmış barmaqlarını kəsiblər.

Əfqanıstanın DİN başçsı Məhəmməd Ömər Davudzayın dediyinə görə, seçkilərə mane olmağa çalışan "Taliban"ın 69 silahlısı atışmalarda qətlə yetirilib.

Əfqanıstandakı prezident seçkilərinin ikinci turunda sabiq nazirlər Abdulla Abdulla və Əşrəf Qəni Əhmədzay mübarizə aparıblar.

Milli.Az

Böyütmək üçün şəkillərə klikləyin.