Dünya

Amerika faciəsi: məktəbdə 20 şagird bıçaqlandı - FOTO

10 Aprel 2014 09:15

2 Şərh Baxış: 1 548

VTB-də minimal faiz dərəcəsi ilə nağd kredit 10.49%-dən

#DÜNYADA #FOTOREPORTAJLAR #FOTOSESSİYA #AMERİKA

İki bıçaq ilə silahlanmış 16 yaşlı yeniyetmə ABŞ-ın Pensilvaniya ştatındakı "Franklin Regional School"da 20 nəfəri yaralayıb.

Yaralalıların biri məktəbin mühafizəçisi, yerdə qalanlar şagirdlərdir.

Milli.Az CNN-ə istinadən bildirir ki, olay Pitssburq şəhərinin yaxınlığındakı Morrisvil şəhərində yaşanıb.

Ştatın Fövqəladə Hallar Xidmətinin nümayəndəsi Den Stivensin verdiyi məlumata görə, yaralıların əksəriyyəti yüngül xəsarətlər alıblar: "Yaralıların heç birinin həyatı üçün təhlükə yoxdur".

Lakin Pitssburqdakı "Forbes" hospitalından verilən məlumata görə, yaralıların ikisinin vəziyyəti kritikdir. Bu hospitala 8 nəfər yerləşdirilib.

12 yaralı isə Pitssburq Universitetinin Tibb Mərkəzinə aparılıb.

Məktəb bir neçə gün bağlı olacaq, onun ərazisində polis çalışacaq. Məktəbin baş inzibatçısı Cennaro Piraynonun dediyinə görə, "dəhşətli və qorxunc faciə ilə qarşılaşıblar".

Morrisvil şəhər polisinin rəisi Tomas Sifeld NBC-yə bildirib ki, əllərində bıçaqlar tutmuş nagird məktəbdə qarşısına çıxanı bıçaqlamağa başlayanda şahidlər polisə zəng vurublar.

16 yaşlı Aleks Hraybelin niyə belə faciə törətdiyi bəlli deyil. İlkin məlumatlara görə, o, məktəbdə qanlı olay törətməzdən əvvəl şagirdlərə zəng vuraraq onu ölümlə hədələyibmiş.

Milli.Az

Böyütmək üçün şəkillərə klikləyin.