Dünya

Nazir: "İran qazının qiyməti Türkiyəni qane etmir"

30 Yanvar 2014 16:23
1 Şərh     Baxış: 392
VTB-də minimal faiz dərəcəsi ilə nağd kredit 9.9%-dən

"İranın təbii qaza görə təklif etdiyi qiymət Türkiyəni qane etmir, çünki qiymət çox yüksəkdir"

Trend-in "TRT Haber" telekanalına istinadən verdiyi məlumata görə, bunu Türkiyənin energetika və təbii resurslar naziri Taner Yıldız deyib.

Onun sözlərinə görə, hazırda Türkiyə və İran qazın qiyməti məsələsi üzrə danışıqlar aparırlar, lakin tərəflər arasında hələ heç bir razılıq əldə olunmayıb.

Rəsmi Ankaranın İran qazının qiyməti məsələsi üzrə Beynəlxalq Arbitraj Məhkəməsinə müraciətini şərh edən nazir qeyd edib ki, Türkiyənin bu məsələdə maraqları hər şeydən yüksəkdə dayanır.

T.Yıldız bildirib ki, hazırda İranın enerji resurslarının Türkiyə ərazisi ilə dünya bazarlarına tədarükü məsələsi üzrə danışıqlar aparılır.

Qeyd edək ki, İran qazının qiyməti rəsmən açıqlanmayıb, lakin Türkiyə KİV-in məlumatına görə, Ankara 1000 kubmetr İran qazına görə 490 dollar ödəyir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.