Dünya

Öcalan ermənilərə nə yazmışdı?

30 Yanvar 2014 11:42
0 Şərh     Baxış: 878
VTB-də minimal faiz dərəcəsi ilə nağd kredit 9.9%-dən
#TÜRKİYƏ

Ocalan 1915-ci ildə erməni xalqına qarşı "soyqırımı" həyata keçirildiyini bildirərək bunun "qəddarca" olduğunu qeyd edib

PKK-nın həbsdə olan lideri Abdullah Ocalanın ermənilərə yazdığı məktubun məzmunu açıqlanıb.

Anspress-in Türkiyə mətbuatına istinadən verdiyi məlumata görə, məktub 2 səhifədən ibarətdir. Məktubda ermənilərin inancları və azadlıqları üçün mübarizə aparması, 1915-ci il qondarma erməni "soyqırımı" və s. bu kimi məsələlərə toxunulur.

"Xüsusilə kapitalizm müasirliyi və onun məbədi olan milli dövlətlərin saçdığı zəhər səbəbindən bu torpaqlar xalqlar və mədəniyyətlər qəbristanlığına dönüb. Biz sadəcə kürd xalqının yox, bu qədim regionun başda erməni xalqı olmaqla bütün xalqlarının və inanclarının azadlığı üçün mübarizə aparırıq. Əlverişsiz şəraitimə baxmayaraq, aparmağa çalışdığım sülh axtarışının heç bir xalqın ziyanına və əleyhinə olmayacağı 30 illik mübarizəmizin hər anında gizlidir".

Bundan başqa, Ocalan 1915-ci ildə erməni xalqına qarşı "soyqırımı" həyata keçirildiyini bildirərək bunun "qəddarca" olduğunu qeyd edib. Ermənilərin böyük əziyyətlər və mübarizələr bahasına həyatda qalmağa nail olduğunu bildirərək bunun "möcüzə" olduğunu vurğulayıb.

Sonda terrorçu lider ermənilərə, hədəfi müharibə olan beynəlxalq sərmayə qüvvələrinin və lobbilərinin hiyləli məqsədlərindən uzaq olmağı məsləhət görüb.

Xatırladaq ki, KCK-nın ("Koma Ciwaken Kurdistan - Kürdüstan Cəmiyyəti Asossasiyası" PKK-nın şəhər qruplaşması) həmsədri Bese Hozatın ermənilərə istiqamətlənmiş sözlərinə görə Öcalan ermənilərə məktubla müraciət etmək ehtiyacı hiss etmişdi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.