Dünya

Nigeriyada prezident və parlament seçkiləri keçirilir

28 Mart 2015 19:50

0 Şərh Baxış: 1 071

#DÜNYADA #BOKO HARAM

Prezidentlik uğrunda əsas mübarizənin hazırkı dövlət başçısı Goodluck Jonathanla ölkənin sabiq hərbi rəhbəri, general Məhəmməd Buhari arasında aparıldığı bildirilir.

Milli.Az BBC-yə istinadən bildirir ki, fevral ayında keçəcək seçkilər cihadçı Boko Haram təşkilatının əlində olan bəzi ərazilərə nəzarəti qaytarmaq məqsədilə təxirə salınmışdır.

1960-cə illərdə müstəqilliyin əldə olunmasından bəri ən kəskin rəqabət şəraətilə seçildiyi deyilən səsvermə 36 ştatda və paytaxt Abucada keçirilir. Prezident seçkilərilə yanaşı parlament seçkilərilə də yer alır.

Bir sıra seçki məntəqələrində növbələrin yarandığı bildirilir. Səsvermə barmaq izlərilə təsdiqlənən biometrik kartlar vasitəsilə aparılıb.

Rəqabət

All Progressives Congress partiyasını (APC) təmsil edən Məhəmməd Buhari müsəlmandır və Nigeriyanın şimalındandır.

O, 1983 - 1985-ci illərdə ölkənin hərbi rəhbəri olub. Cənab Buhari prezident seçkiləri uğrunda mübarizəyə 4-cü dəfədir ki, qatılır.

Onun əsas rəqibi People's Democratic Party (PDP) partiyasının lideri, ilk prezidentlik müddətini başa vuran, cənublu xristian Goodluck Jonathandır.

Uzun müddət sürən hərbi idarə 1999-cı ildə sona çatıb və o zamandan bəri PDP hakim partiya olaraq qalmaqdadır.

Həcminə görə Afrikanın ən iri iqtisadiyyat sahibi - Nigeriya həm də aparıcı neft istehsalçısıdır.

Qitədə ən çox əhaliyə malik olan Nigeriyada 170 milyondan artıq adam yaşayır.

Təhlükəsizlik

Prezidentliyə namizədlər zorakılığa son qoyacaqlarını vəd ediblər.

2011-ci ildən bəri general Buharilə Goodluck Jonathan arasında hakimiyyət uğrunda çəkişmə 800 adamın ölümünə səbəb olub.

Seçkilər bir çox yerlərdə sərtləşdirilmiş təhlükəsizlik şəraitində keçir. Bir çox məntəqələrdə polis mühafizəsi yerləşdirilib.

Cümə günü Nigeriya ordusu Boko Haram silahlı qruplaşmasının istehkamı sayılan Gyoza şəhərini ələ keçirdiyini bildirib.

2012-ci ildən bəri Nigeriyanın şimal-şərqində yaranan münaqişədə 15500 adam həlak olub.