Dünya

Ermənistan mallarına Avropada 2 illik güzəşt tətbiq olunacaq

8 Oktyabr 2026 14:48

Baxış: 305

VTB-də minimal faiz dərəcəsi ilə nağd kredit 9.9%-dən

Avropa İttifaqı (AB) Ermənistan mallarına müvəqqəti ticarət güzəştlərinin tətbiqini nəzərdə tutan sənəd qəbul edib.

Milli.Az xəbər verir ki, bu barədə Ermənistan mediası məlumat yayıb.

Məlumata görə, Avropa Parlamentinin sədri Roberta Metsola və İrlandiyanın Avropa işləri və müdafiə naziri Tomas Birn Ermənistan malları üçün müvəqqəti ticarət güzəştləri müəyyən edən qanunvericilik aktını imzalayıblar.

Sənədə əsasən, iki il müddətində geniş çeşiddə Ermənistan mallarına gömrük rüsumları tətbiq edilməyəcək. Güzəştlər emal olunmuş kənd təsərrüfatı məhsulları, tekstil və ayaqqabı da daxil olmaqla, 300-dən çox məhsul qrupuna şamil olunacaq.

Qaydada, həmçinin, Avropa İttifaqı istehsalçılarını qorumaq məqsədilə təhlükəsizlik mexanizmləri müəyyən edilib.

Sənəd AB-nin rəsmi jurnalında dərc olunacaq. Qayda dərc edildiyi gündən sonrakı gün qüvvəyə minəcək.

Müəllif: Malik Məlikov (Milli.Az redaktor)