Dünya

Dünya üzrə ərzaq qiymətləri rekord həddə çatdı

4 Sentyabr 2026 17:06

Baxış: 267

VTB-də minimal faiz dərəcəsi ilə nağd kredit 9.9%-dən

#DÜNYADA #ƏRZAQ

Qlobal ərzaq qiymətləri avqust ayında əhəmiyyətli dərəcədə bahalaşıb.

Milli.Az xəbər verir ki, BMT-nin Ərzaq və Kənd Təsərrüfatı Təşkilatının (FAO) məlumatına görə, ərzaq qiymətləri indeksi avqustda orta hesabla 133,3 bənd təşkil edib. Bu, iyul ayı ilə müqayisədə 1,9 faiz, ötən ilin eyni dövrü ilə müqayisədə isə 2,5 faiz çoxdur. Göstərici 2022-ci ilin noyabrından bəri ən yüksək səviyyəyə yüksəlib.

Qiymət artımında əsas amillər arasında əlverişsiz hava şəraiti, geosiyasi gərginlik və ticarət-logistika problemləri göstərilir. Xüsusilə Avropada isti və quraq hava bəzi kənd təsərrüfatı məhsullarının istehsalı ilə bağlı narahatlıqları artırıb.

Ən böyük bahalaşma şəkərin qiymətində qeydə alınıb. Avqust ayında şəkər üzrə indeks 11,9 faiz artıb. Buğdanın qiyməti 2,6 faiz, qarğıdalının qiyməti isə 2,5 faiz yüksəlib. Ümumilikdə dənli bitkilər üzrə qiymət indeksi 2,2 faiz artıb.

FAO bildirir ki, qlobal buğda qiymətləri ötən ilin avqustuna nisbətən 15 faiz yüksəkdir. Qarğıdalı qiymətlərinin artmasına isə ABŞ və Avropada məhsuldarlıqla bağlı narahatlıqlar, yüksək tələbat və Ukraynadan ixrac axınlarında yaranan problemlər təsir edib.

Təşkilatın məlumatına görə, bitki yağları, ət və süd məhsulları üzrə qiymətlər də avqust ayında yüksəlib.

FAO ekspertləri hava şəraiti və geosiyasi risklərin davam etməsinin qlobal ərzaq bazarlarını yeni qiymət artımlarına həssas saxlaya biləcəyini bildirirlər.

Müəllif: Nərmin Mahmudova (Milli.Az müxbir)