Dünya

Tramp niyə Türkiyəni gizli tərk edib? - Yeni detallar

14 Avqust 2026 16:45

Baxış: 294

VTB-də minimal faiz dərəcəsi ilə nağd kredit 9.9%-dən

#DÜNYADA #TÜRKİYƏ #DONALD TRAMP

ABŞ Prezidenti Donald Trampın iyul ayında Ankarada keçirilən NATO sammitindən sonra Türkiyəni gizli şəkildə başqa hərbi təyyarə ilə tərk etməsi ilə bağlı yeni məlumatlar üzə çıxıb.

Milli.Az xəbər verir ki, "Washington Post"un yazdığına görə, Trampın həyatına və ya onun olduğu təyyarəyə qarşı mümkün İran raket hücumu barədə məlumat İsrail kəşfiyyatı tərəfindən ABŞ-a ötürülüb.

Lakin ABŞ Mərkəzi Kəşfiyyat İdarəsinin (CIA) analitikləri bu məlumatın etibarlılığına aşağı qiymət veriblər.

Məlumata əsasən, CIA İsrail tərəfindən təqdim olunan kəşfiyyat məlumatlarını müstəqil şəkildə təsdiqləyə bilməyib. ABŞ və Türkiyə kəşfiyyatının təhdidlə bağlı apardığı qiymətləndirmələr arasında da fərqlər olub.

Buna baxmayaraq, ABŞ Məxfi Xidməti təhlükəni ciddi qəbul edib və Trampın təhlükəsizliyi üçün qeyri-adi plan hazırlayıb. O, Ankaradan yola düşərkən əvvəlcə ictimaiyyətə Air Force One-a minirmiş kimi göstərilib, daha sonra gizli şəkildə başqa təyyarəyə keçirilib.

Trampın təyyarə dəyişməsi əməliyyatının təhlükəsizlik məqsədilə həyata keçirildiyi bildirilir. Prezident özü də daha əvvəl Məxfi Xidmət və hərbçilərin tövsiyəsi ilə fərqli təyyarə ilə uçduğunu təsdiqləyib.

Hadisə ilə bağlı yeni məlumatlar isə Trampın Türkiyədən gizli çıxarılmasına səbəb olan təhdidin nə dərəcədə etibarlı olduğu barədə sualları artırıb.

Müəllif: Nərmin Mahmudova (Milli.Az müxbir)