Dünya

İsrail ABŞ-nin razılığı olmadan İrana zərbə endirməyəcək

29 İyul 2026 14:08

Baxış: 229

VTB-də minimal faiz dərəcəsi ilə nağd kredit 9.9%-dən

#DÜNYADA #İSRAİL #ABŞ

İsrailin Baş naziri Benjamin Netanyahu ABŞ Prezidenti Donald Trump ilə görüşü zamanı Vaşinqtonun razılığı olmadan İsrailin öz təşəbbüsü ilə İrana hərbi zərbələr endirməyəcəyini bildirib.

Milli.Az xəbər verir ki, məlumata görə, Netanyahu söhbət zamanı İranın hücumu halında İsrailin cavab tədbirləri görmək hüququnu özündə saxladığını da vurğulayıb. O, həmçinin İsrailin əldə etdiyi yeni kəşfiyyat məlumatlarını bundan sonra da ABŞ ilə paylaşacağını qeyd edib.

Baş nazir Vaşinqtonun İranla bağlı qərarlar qəbul edərkən Yaxın Şərqdəki ərəb müttəfiqlərinin mövqeyini nəzərə almalı olduğunu anladıqlarını bildirib. Netanyahu İsrailin İran məsələsində ABŞ-yə tam etibar etdiyini və Prezident Trampın verəcəyi qərarları dəstəkləyəcəyini də ifadə edib.

Bundan əvvəl ABŞ-nin "Al-Monitor" portalı mənbələrə istinadən yazmışdı ki, Netanyahu Trampa İsrailin İrana qarşı mümkün yeni hərbi əməliyyat planlarını təqdim etməyi nəzərdə tutur. Məlumata görə, planlarda İranın sənaye obyektləri, körpüləri və dəmir yolu infrastrukturuna potensial zərbələr də yer alır.

Müəllif: Nərmin Mahmudova (Milli.Az müxbir)