Dünya

Qara dənizdə Türkiyəyə məxsus gəmi vuruldu - Ölənlər var

20 İyul 2026 12:55

Baxış: 1 404

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA #GƏMİ

Qara dənizdə taxıl daşıyan mülki yük gəmisi Rusiya tərəfindən raket hücumuna məruz qalıb.

Milli.Az xəbər verir ki, Ukrayna Hərbi Dəniz Qüvvələrinin məlumatına görə, Qvineya-Bisau bayrağı altında üzən və Türkiyə şirkətinə məxsus "Golden Leo" yük gəmisi Ukraynanın dəniz dəhlizi ilə taxıl daşıyarkən üç ədəd X-59/X-69 qanadlı raketlə vurulub.

Məlumata əsasən, raketlər gəminin üst hissəsinə düşüb, nəticədə göyərtədə yanğın başlayıb. İlkin məlumatlarda beş nəfərin həlak olduğu, səkkiz heyət üzvünün xilas edilərək təxliyə olunduğu, daha beş nəfərin isə itkin düşdüyü bildirilib. Axtarış-xilasetmə əməliyyatları davam etdirilir, gəminin texniki vəziyyəti qiymətləndirilir.

Ukrayna Hərbi Dəniz Qüvvələri hücumun silahsız mülki gəmiyə qarşı həyata keçirildiyini bildirərək bunu beynəlxalq humanitar hüququn kobud şəkildə pozulması və dinc gəmiçiliyə qarşı terror aktı kimi qiymətləndirib.

Ukraynanın xarici işlər naziri vəzifəsini icra edən Andrii Sıbiha isə bildirib ki, hücum Kiyevə gecə saatlarında endirilən raket və pilotsuz uçuş aparatı zərbələrindən bir neçə saat sonra baş verib. Onun sözlərinə görə, gəminin heyətində Suriya və Hindistan vətəndaşları da olub, ölənlər arasında bir ukraynalı dəniz pilotu və dörd ekipaj üzvü var.

Axtarış-xilasetmə əməliyyatı davam edir.

Müəllif: Nərmin Mahmudova (Milli.Az müxbir)