Dünya

Baş Qərargah rəisi: İsrail İrana ağır zərbə planlaşdırıb

9 İyun 2026 19:36
Baxış: 359
VTB-də minimal faiz dərəcəsi ilə nağd kredit 9.9%-dən
#İSRAİL

İsrail ordusu yenidən İrana hücum etməyə hazırdır.

Milli.Az-ın xəbərinə görə, bunu İsrail Müdafiə Qüvvələrinin Baş Qərargah rəisi Eyal Zamir deyib.

O, bildirib ki, İranın yeni tənliklər diktə etmək, reallığı dəyişmək cəhdləri uğurlu alınmayacaq və İsrail ordusu "Hizbullah"a qarşı əməliyyatları davam etdirəcək.

"İsrail ordusu İranla döyüşə qayıtmaq üçün çevik hazırlığa malik olub və indi də malikdir. Biz İrana daha bir ağır və dərin zərbə vurmağa hazırıq", - Eyal Zamir vurğulayıb.

Onun sözlərinə görə, İrana endirilən zərbələr daha əhəmiyyətli və şiddətli hücumlar üçün hazırlıq idi.

Qeyd edək ki, bundan əvvəl İsrailin İrana daha geniş hücum planlaşdırdığı, ABŞ Prezidenti Donald Tramp və İsrailin Baş naziri Benyamin Netanyahu arasında telefon danışığından sonra bu planın ləğv olunduğu ilə bağlı xəbərlər yayılıb.

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.