Dünya

Trampın keçmiş gəlinində xərçəng aşkar edildi - FOTO

21 May 2026 11:11

Baxış: 1 120

VTB-də minimal faiz dərəcəsi ilə nağd kredit 9.9%-dən

#DÜNYADA #ABŞ

ABŞ Prezidenti Donald Trampın böyük oğlunun keçmiş həyat yoldaşı Vanessa Trampda döş xərçəngi aşkarlanıb.

Milli.Az xəbər verir ki, bu barədə "Daily Mail" məlumat yayıb.

Qolf dünyasının əfsanəsi Tayger Vudsla sevgi münasibətində olan beş uşaq anası çərşənbə günü "Instagram" hesabında bununla bağlı paylaşım edib.

"Səhhətimlə bağlı bəzi şəxsi məlumatları bölüşmək istəyirəm. Bir müddət öncə mənə döş xərçəngi diaqnozu qoyulub. Bu heç kimin gözləmədiyi bir xəbər olsa da, tibbi komandamla müalicə prosesi üzərində yaxından əməkdaşlıq edirəm. Ailəmin, övladlarımın və mənə ən yaxın olan insanların sevgisi və dəstəyi ilə əhatə olunmuşam, diqqətimi cəmləyərək ümidimi itirmirəm. Göstərdiyiniz şəfqət və dəstəyə görə hər birinizə təşəkkür edirəm, bu mənim üçün sözlə ifadə edə bilməyəcəyim qədər dəyərlidir", - deyə o qeyd edib.

Qeyd edək ki, ailə üzvləri arasında sosial şəbəkədə Vanessa Trampa ilk dəstək verən məhz keçmiş baldızı İvanka Tramp olub. O, Vanessanın paylaşımına rəy yazaraq, "Güclü olmağın və tezliklə sağalmağın üçün dua edirəm. Səni sevirəm, ana" sözlərini qeyd edib.

Milli.Az