Şou-biznes

"Toylar nə vaxtdan el şənliyi olub?!"

21 May 2026 10:45

Baxış: 1 873

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #TOY #MÜĞƏNNİ #ƏMƏKDAR ARTİST #ŞOU

Əməkdar artist Elnur Zeynalov səsləndirdiyi fikirlərlə diqqət çəkib.

Milli.Az xəbər verir ki, xanəndə şou-biznes və toy anlayışı ilə bağlı maraqlı açıqlamalar verib.

Zeynalov bildirib ki, onun üçün "şou-biznes" anlayışı müəyyən sənətçilərlə assosiasiya olunur:

"Şou-biznes deyəndə mənim yadıma İlhamə Quliyeva, Aygün Kazımova, Röya, Faiq Ağayev, Tünzalə Ağayeva, Zülfiyyə Xanbabayeva düşür. Səhnədə şou yaradanlar onlardır. Mən indiyə kimi bir dənə də şou proqrama getməmişəm. Mən onların çıxış etdiyi səhnədə olmamışam".

Əməkdar artist sənət fəaliyyətlərini daha çox opera səhnəsi ilə əlaqələndirdiyini deyib:

"Biz şoumuzu Opera Teatrında göstəririk, istəyən gəlib baxsın".

Toy məclisləri barədə də danışan Elnur Zeynalov bəzi ifadələrin yanlış istifadə edildiyini bildirib:

"Toy isə başqa şeydir. Əlimizin adət-ənənəsidir. Bəziləri deyir ki, axşam el şənliyində idim, yorulmuşam. Toylar nə vaxtdan el şənliyi olub?". El şənliyi" anlayışı daha çox dövlət tədbirləri və bayramlarla bağlıdır. Bunlar Novruz bayramıdır və ya dövlətimizin keçirdiyi tədbirdir. Bir toy olursa, dəvətnamə vermirsənsə, kimsə gələr? El şənliyinə isə hamı gəlir". Bəzi ifaçılar "toy müğənnisi" adlandırılmaq istəmədikləri üçün bu ifadədən istifadə edirlər. Özlərini toy müğənnisi kimi qələmə vermək istəmirlər, ona görə el şənliyi adını qoyurlar".

Onun açıqlamaları sosial şəbəkələrdə müzakirələrə səbəb olub.

Musa
Milli.Az