Şou-biznes

"15 min almısan, imkan ver biz də QAZANAQ"

21 May 2026 11:20
Baxış: 492
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #TOY #QALMAQAL #MÜĞƏNNİ #ŞOU

DJ Roşka toy məclislərində yaşanan problemlərlə bağlı etdiyi açıqlama ilə diqqət çəkib.

Milli.Az xəbər verir ki, o, bəzi toy müğənnilərindən şikayətlənərək DJ proqramlarına kifayət qədər vaxt ayrılmadığını bildirib.

Canlı efirdə danışan DJ Roşka qeyd edib ki, toyların proqram axını müəyyən qaydada qurulsa da, bəzi müğənnilər səhnəni vaxtında təhvil vermirlər:

"Toyda aşdan sonra tort olur, gəlinin həzin rəqsi olur və daha sonra DJ proqramı başlayır. Amma müğənni imkan vermir".

O bildirib ki, yüksək qonorar alan bəzi ifaçılar proqramı həddindən artıq uzadır:

"10-15 min alıb cibinə qoyub, halalın olsun, get xərclə də. İmkan ver biz də qazanaq".

Roşka müğənnilərin köməkçiləri vasitəsilə proqramın uzadılması ilə bağlı xəbər göndərildiyini də deyib:

"Köməkçisi ilə xəbər göndərir ki, 3 mahnısı qalıb. Saat 12-nin yarısı olur, insanları da yorur. Ondan sonra mən necə insanları ayağa qaldırım?".

O əlavə edib ki, müğənnilər uzun saatlar səhnədə qaldıqdan sonra meydanı DJ-lərə verməlidirlər:

"Sən müğənni saat 6-dan burdasan, get istirahət elə, meydanı bizə ver".

DJ Roşkanın bu sözləri sosial şəbəkələrdə müzakirələrə səbəb olub. Bəzi istifadəçilər onun fikirlərini dəstəkləyərək toy proqramlarında balansın qorunmasının vacib olduğunu bildiriblər.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.