Dünya

Ölü elan edilən kişi 3 saat sonra dirildi

30 Aprel 2026 14:57
Baxış: 1 314
VTB-də minimal faiz dərəcəsi ilə nağd kredit 9.9%-dən
#HƏKİM

Fransada 62 yaşlı kişi həkimlər tərəfindən ölü elan edildikdən 3 saat sonra yenidən həyata qayıdıb.

Milli.Az xəbər verir ki, bu barədə BFMTV məlumat yayıb.

Bildirilir ki, Bretan bölgəsində yaşayan Didye adlı şəxs Rennes Universitet Xəstəxanasında ürək dayanması keçirib. Həkimlər onu təxminən 40 dəqiqə reanimasiya etməyə çalışsalar da, nəticə əldə olunmayıb və ölüm faktı yaxınlarına bildirilib.

Lakin 3 saat sonra xəstəxana personalı onun yenidən nəbzinin vurduğunu müəyyən edib. Kişi reanimasiya şöbəsinə yerləşdirilib, bir neçə gün sonra vəziyyəti stabilləşib. Məlumata görə, oyandıqdan sonra onda nitq və hərəkət baxımından ciddi problem aşkarlanmayıb.

Həkimlər baş verən hadisənin nadir rast gəlinən "Lazar fenomeni" ilə bağlı ola biləcəyini istisna etmirlər. Bu hal reanimasiya dayandırıldıqdan sonra ürəyin öz-özünə yenidən fəaliyyətə başlaması kimi izah olunur.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.