Dünya

İspaniyada 500 min miqranta “yaşıl işıq”

14 Aprel 2026 15:37
Baxış: 634
VTB-də minimal faiz dərəcəsi ilə nağd kredit 9.9%-dən
#İSPANİYA #MİQRANTLAR

İspaniya hökuməti ölkədə yaşayan minlərlə miqrantın leqallaşdırılmasına yönəlmiş fərmanı təsdiqləyib.

Milli.Az xəbər verir ki, bu barədə İspaniya hökumətinin rəsmi nümayəndəsi Elma Sais mətbuat konfransında məlumat verib.

Onun sözlərinə görə, sənəd ölkədə artıq yaşayan miqrantlar üçün fövqəladə leqallaşdırma prosesinə start verəcək.

Sais bildirib ki, sənəd üçün müraciət etmək istəyən şəxslər 1 yanvar 2026-cı il tarixindən əvvəl İspaniyaya daxil olmalıdır. Onun sözlərinə görə, müraciət zamanı şəxsin ölkədə ən azı 5 ay fasiləsiz yaşaması, məhkumluğunun olmaması və ictimai qayda və təhlükəsizlik üçün risk yaratmaması tələb olunur.

Qeyd edilib ki, təşəbbüs təxminən 500 min nəfəri əhatə edə bilər.

Xatırladaq ki, 2022-ci ildə "Esensiales" hərəkatı İspaniyada yarım milyona yaxın miqrantın leqallaşdırılması təşəbbüsünə dəstək məqsədilə təxminən 700 min imza toplandığını açıqlamışdı. Təşkilat bu şəxslərin əmək hüquqlarına, layiqli yaşayış şəraitinə, tibbi sığortaya və digər əsas ehtiyaclara çıxış əldə etməsinin vacibliyini vurğulamışdı.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.