Dünya

İran raketlərin üzərinə Avropa liderinin şəklini yapışdırdı

23 Mart 2026 23:50

Baxış: 1 671

VTB-də minimal faiz dərəcəsi ilə nağd kredit 9.9%-dən

#IRAN #İSPANİYA

İran ordusu İsrail və regiona yönəlmiş hücumlarında istifadə etdiyi raketlərin üzərinə İspaniyanın Baş naziri Pedro Sançesin fotoşəkillərini və təşəkkür mesajlarını yapışdırıb. Raketlərin üzərindəki afişalarda "Təşəkkürlər, cənab Baş nazir" ifadəsi yer alıb. İran rəsmiləri bu addımı müharibəyə qarşı çıxan və ABŞ-nin ölkəsindəki hərbi bazalarından istifadəsinə icazə verməyən Sançesə bir "hörmət nişanəsi" kimi qiymətləndiriblər.

Milli.Az xəbər verir ki, İranın 75-ci dalğa hücumları zamanı atılan bəzi raketlərin üzərində Sançesin fotosu ilə yanaşı, onun müharibəni "insanlıqdan kənar" adlandıran sözlərinə də istinad edilib. Sosial mediada paylaşılan görüntülərdə ingilis dilində "Thank you, Prime Minister" yazıldığı diqqət çəkib.

İspaniya hökuməti ABŞ-nin ölkədəki hərbi bazalarından İrana qarşı hücumlar üçün istifadə etməsinə icazə verməyib. Bu qərar NATO daxilindəki çatı dərinləşdirsə də, Tehran rəhbərliyi tərəfindən böyük rəğbətlə qarşılanıb. Sançes öz qərarını müdafiə edərkən 2003-cü il İraq işğalına toxunub:

"Keçmişin səhvləri təkrarlanmamalıdır."

ABŞ Prezidenti Donald Trampın hədəf aldığı Sançes İrana qarşı mümkün müharibəni "fövqəladə dərəcədə böyük bir səhv" adlandırıb. O, vurğulayıb ki, müttəfiq ölkələr bir-birlərinin səhvlərini açıq şəkildə deməyi bacarmalıdırlar.

Lalə Qüdrətova
Milli.Az

Milli.Az - Xəbər Portalı

İran raketlərin üzərinə Avropa liderinin şəklini yapışdırdı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?