Dünya

İran ilk dəfə ABŞ-yə məxsus F-35 qırıcısını vurdu - ANBAAN VİDEO

19 Mart 2026 20:50

Baxış: 1 948

VTB-də minimal faiz dərəcəsi ilə nağd kredit 9.9%-dən

#AMERİKA #VİDEO

İran hərbi tapşırığı yerinə yetirən ABŞ-nin ən müasir F-35 döyüş təyyarəsini hədəf alaraq vurub. Zədələnmiş təyyarə Yaxın Şərqdəki ABŞ bazalarından birinə təcili eniş edib.

Milli.Az xəbər verir ki, ABŞ Mərkəzi Komandanlığının (CENTCOM) sözçüsü kapitan Tim Hokins (Tim Hawkins) bildirib ki, İran üzərində əməliyyat tapşırığını yerinə yetirən F-35 qırıcısı zərbə alaraq zədələnib. Təyyarənin təhlükəsiz şəkildə bazaya endirildiyi və pilotun səhhətinin stabil olduğu açıqlanıb. Pentaqon dünyanın ən bahalı və inkişaf etmiş təyyarələrindən biri olan F-35-in İran üzərindəki missiya zamanı ciddi "hadisə" yaşadığını təsdiqləyib.

İranın yarı-rəsmi "Tasnim" xəbər agentliyi ABŞ-yə məxsus F-35 təyyarəsinin vurulma anının görüntülərini paylaşıb.

Hazırda ABŞ rəsmiləri təyyarəyə dəyən zərərin miqyasını və hadisənin texniki nasazlıqdan, yoxsa xarici müdaxilədən (zenit-raket zərbəsi və s.) qaynaqlandığını müəyyən etmək üçün genişmiqyaslı təhqiqata başlayıblar.

Lalə Qüdrətova
Milli.Az