Dünya

Yerə bənzəməyən qəribə planet kəşf EDİLDİ

18 Mart 2026 15:50
Baxış: 2 596
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI

Astronomlar Günəş sistemindən kənarda yeni planet növü aşkar ediblər.

Milli.Az xəbər verir ki, tədqiqat zamanı James Webb Space Telescope və digər teleskopların məlumatlarından istifadə olunub.

Mütəxəssislərin araşdırdığı L 98-59 d adlı ekzoplanet Yer kürəsindən təxminən 35 işıq ili uzaqlıqda yerləşir və kiçik qırmızı ulduzun ətrafında dövr edir. Planetin ölçüsü Yer kürəsindən təxminən 1,6 dəfə böyükdür.

Alimlərin fikrincə, bu planetin atmosferində hidrogen sulfid kimi kükürd tərkibli qazlar mövcuddur. Məhz bu maddə çürük yumurta qoxusu ilə tanındığı üçün planetin belə qoxuya malik ola biləcəyi ehtimal edilir.

Tədqiqatçılar bildirirlər ki, planetin səthi ehtimal ki, ərimiş silikatlardan ibarət lava və geniş maqma okeanı ilə örtülüb. Bu xüsusiyyətlər onu indiyədək məlum olan planet kateqoriyalarından fərqləndirir və yeni ekzoplanet sinfi kimi qiymətləndirilməsinə səbəb olur.

Alimlər hesab edirlər ki, bu kəşf kainatda mövcud olan planetlərin düşündüyümüzdən daha müxtəlif olduğunu göstərir. Araşdırmanın nəticələri Nature Astronomy jurnalında dərc edilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.