Dünya

Epşteyn və Fətullah Gülənin ortaq nöqtəsi

5 Fevral 2026 09:50

Baxış: 1 756

VTB-də minimal faiz dərəcəsi ilə nağd kredit 9.9%-dən

#TÜRKİYƏ #TERROR #ABŞ #FETÖ

ABŞ-da Epşteyn işi ilə bağlı 3 milyondan çox yeni sənədin ictimaiyyətə açıqlanmasından sonra diqqətçəkən detallar üzə çıxıb. Sənədlər dünyada böyük rezonans doğurduğu bir vaxtda, fayllarla əlaqəli adlar arasında maraqlı bir uyğunluq müəyyən edilib.

Milli.Az türkiyə mediasına istinadla xəbər verir ki, ABŞ Baş prokurorunun müavini Todd Blanşın açıqlamasına görə, Epşteyn istintaqına dair minlərlə yeni sənəd artıq ictimaiyyət üçün əlçatandır. Həmin sənədlərdə yer alan məlumatlar Epşteyn işi ilə FETÖ terror təşkilatının lideri Fətullah Gülən arasında hüquqi baxımdan gözlənilməz bir əlaqəni üzə çıxarıb.

Məlum olub ki, ABŞ-da vəfat edən FETÖ lideri Fətullah Gülənin əsas vəkillərindən biri olan Reid Weingarten eyni zamanda maliyyəçi Jeffrey Epşteynin də müdafiə tərəfini təmsil edib.

ABŞ-ın ən nüfuzlu və yüksək maaşlı müdafiə vəkillərindən biri kimi tanınan Reid Weingarten hər iki şəxs üçün kritik dövrlərdə aparıcı rol oynayıb. O, 2008-ci ildə Epşteynin yetkinlik yaşına çatmayanlara qarşı cinsi istismar ittihamı ilə mühakimə olunduğu məhkəmədə müdafiə qrupunun əsas üzvlərindən biri olub. Həmin məhkəmə prosesi sonradan "əsrin ən yüngül hökmü" kimi qiymətləndirilib.

Reid Weingarten uzun illər Steptoe & Johnson hüquq firmasında fəaliyyət göstərib və Türkiyənin Fətullah Gülənin ekstradisiyası ilə bağlı ABŞ-a ünvanladığı tələblərə qarşı qurulan müdafiə strategiyasında əsas fiqurlardan biri olub. Bu məsələ ABŞ mətbuatında dəfələrlə gündəmə gətirilib.

Onun müştəri portfeli əsasən beynəlxalq qalmaqallara səbəb olan, siyasi və maliyyə baxımından böyük gücə sahib şəxslərdən ibarət olub.

Fidan
Milli.Az