Dünya

Dünyanın ilk qızılla örtülmüş küçəsi yaradılır - FOTO

1 Fevral 2026 00:46

Baxış: 2 317

VTB-də minimal faiz dərəcəsi ilə nağd kredit 9.9%-dən

#DUBAY

Dubay hakimiyyəti şəhərin imicini gücləndirmək və investisiya cəlb etmək məqsədilə unikal layihəni - Dubay Qızıl Məhəlləsini elan edib. Layihə çərçivəsində dünyanın tamamilə qızıldan tikilmiş ilk küçəsi yaradılacaq.

Milli.Az xəbər verir ki, Dubay Qızıl Məhəlləsi layihəsi, əslində, Deira səmtindəki tarixi Qızıl Bazarın yenidən qurulması və müasirləşdirilməsi planıdır. Hazırda bu ərazidə zərgərlik və qiymətli daşlar sektorunda fəaliyyət göstərən 1000-ə yaxın mağaza yerləşir.

Dubay Media Ofisinin 27 yanvar 2026-cı il tarixli bəyanatına görə, məhəllənin ən diqqətçəkən hissəsi qızıl küçə olacaq. Küçənin tamamilə qızıldan inşası nəzərdə tutulur.

Layihənin miqyası və texniki detalları hazırda gizli saxlanılır və mərhələli şəkildə ictimaiyyətə açıqlanacaq.

Ərazi artıq "Jawhara Jewellery", "Malabar Gold and Diamonds" kimi dünya nəhənglərinə ev sahibliyi edir. "Joyalukkas" brendi isə burada Yaxın Şərqin ən böyük mağazasını (təxminən 2230 m²) açmağı planlaşdırır. Turistlərin rahatlığı üçün ərazidə 1000-dən çox otel otağı da fəaliyyət göstərir.

Birləşmiş Ərəb Əmirlikləri hazırda qızıl ticarətinə görə dünyada ikinci yerdədir. 2024-2025-ci illər üzrə qızıl ixracının 53,41 milyard dollar təşkil edəcəyi proqnozlaşdırılır.

"Qızıl Dubayın mədəni və ticari toxumasının ayrılmaz hissəsidir. Bu layihə həm irsimizi qorumaq, həm də sənayeni innovasiyalarla yeni dövrə daşımaq məqsədi daşıyır." - Əhməd Əl-Xəca, Dubay Festivallar və Pərakəndə Satış İdarəsinin (DFRE) baş direktoru.

Lalə Qüdrətova
Milli.Az