Zibil qutusunun dibinə səpin: Qoxunu və milçəkləri uzaq tutur

Yayın gəlişi və havaların isinməsi ilə birlikdə evlərdəki zibil qutuları pis qoxuların və milçəklərin mənbəyinə çevrilə bilər. 14 illik təcrübəyə malik olan və təmizlik mövzusunda kitabları ilə tanınan ingilis mütəxəssis Linsey Krombi baha başa gələn kimyəvi vasitələrə pul xərcləmədən, hər evdə tapılan ucuz materiallarla bu problemi kökündən həll etməyin yollarını açıqlayıb.

Milli.Az xəbər verir ki, mütəxəssis ilk növbədə yay aylarında zibil qutularının müntəzəm olaraq isti sabunlu su, dezinfeksiyaedici vasitə və ya ağ sirkə ilə yuyulmasını tövsiyə edir. Lakin əsl effektiv nəticə yuyulma prosesindən sonrakı kiçik bir fənddə gizlidir.

Ən təsirli üsul: Zibil qutusunun dibinə soda səpmək
Linsey Krombinin sözlərinə görə, zibillərdən yayılan qoxuların qarşısını almaq üçün ən sadə və təbii vasitə çörək sodasıdı.

"Mənim ən sevdiyim üsullardan biri zibil qutusunun ən dibinə soda səpmək və qapağı sıx bağlı saxlamaqdır. Bu sayədə bütün pis qoxular dərhal hopur və milçəklərin yemək qalıqlarına toplaşmasının qarşısı alınır".

Alkali struktura malik olan çörək sodası zibillərdən yayılan turşulu qoxuları neytrallaşdıraraq yox edir. Zibil torbasını yerləşdirməzdən əvvəl qutunun dibinə səpilən bir neçə xörək qaşığı soda normal şəraitdə 3 aya qədər təsirini qoruyur. Lakin yay aylarında zibil torbalarından sızıntı ehtimalı yüksək olduğu üçün bu prosesi hər həftə təkrarlamaq daha etibarlı nəticə verir.

Efir yağları ilə həm təravət, həm də təbii qoruma
Mütəxəssis zibil qutularının gözəl qoxması üçün kəskin kimyəvi ətirlər yerinə təbii üsullardan istifadəni məsləhət görür.

Evin davamlı olaraq təravətli qoxması üçün digər bir üsul isə budur: Kosmetik pambıq diskinin üzərinə bir neçə damcı limon, evkalipt və ya çay ağacı yağı damcıladın.

Bu pambığı zibil qutusunun dib hissəsinə və ya zibil torbası ilə qutunun arasına yerləşdirin. Təbii efir yağları təkcə xoş ətir yaymır, həm də antibakterial xüsusiyyətləri sayəsində həşəratları və milçəkləri zibil qutusundan tamamilə uzaqlaşdırır.

Lalə Qüdrətova
Milli.Az