Dünya

Həmin ölkələr Qəzzaya 1 milyard dollar verməlidir

19 Yanvar 2026 13:44

Baxış: 815

VTB-də minimal faiz dərəcəsi ilə nağd kredit 9.9%-dən

#DÜNYADA #QƏZZA

ABŞ Prezidenti Donald Trampın rəhbərliyi ilə yaradılan və Qəzzada növbəti mərhələləri nəzarətdə saxlamağı hədəfləyən Sülh Şurasına daimi üzv olmaq üçün ölkələr 1 milyard dollar verməlidirlər.

Milli.Az xəbər verir ki, bu barədə "Associated Press" ABŞ rəsmisinə istinadən məlumat yayıb.

Məlumata görə, üç il müddətinə üzvlük üçün ödəniş nəzərdə tutulmasa da bu yolla toplanan vəsaitin Qəzzanın bərpasına yönəldirilməsi nəzərdə tutulub.
Bildirilib ki, Macarıstanın baş naziri Viktor Orban dəvəti qəbul edib. Vyetnamın Kommunist Partiyasının Baş katibi To Lamın da Şuraya qoşulduqlarını açıqlayıb. Hindistan dəvət alan ölkələr sırasındadır. Avstraliya isə təşəbbüsün mahiyyətini aydınlaşdırmaq üçün ABŞ-la məsləhətləşmələr aparacağını bildirib.

Bundan başqa, İordaniya, Yunanıstan, Kipr və Pakistan də dəvət aldıqlarını təsdiqləyiblər. Daha əvvəl Kanada, Türkiyə, Misir, Paraqvay, Argentina və Albaniya da dəvət edildiklərini açıqlamışdı.

ABŞ-ın yaxın günlərdə İsveçrənin Davos şəhərində keçirilən Dünya İqtisadi Forumunda, Şuranın rəsmi üzvlərinin siyahısını elan edəcəyi gözlənilir.
Qeyd edək ki, Şura oktyabrın 10-da qüvvəyə minmiş atəşkəsin çətin ikinci mərhələsi çərçivəsində Qəzzada atılacaq addımlara nəzarət edəcək. Planlara Qəzzada yeni Fələstin komitəsinin yaradılması, beynəlxalq təhlükəsizlik qüvvəsinin yerləşdirilməsi, HAMAS-ın tərksilahı və müharibədən zərər çəkmiş ərazinin bərpası daxildir.

Milli.Az

Milli.Az - Xəbər Portalı

Həmin ölkələr Qəzzaya 1 milyard dollar verməlidir

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?