Dünya

Trampdan Venesuela açıqlaması - Nə istəyir?

9 Yanvar 2026 12:09
Baxış: 1 586
VTB-də minimal faiz dərəcəsi ilə nağd kredit 9.9%-dən
#DÜNYADA #VENEZUELA #ABŞ #DONALD TRAMP

ABŞ Prezidenti Donald Tramp "New York Times"a müsahibəsində bildirib ki, ABŞ-nin beynəlxalq arenadakı səlahiyyətlərinin yeganə həddi onun öz əxlaqı və düşüncəsidir. O, beynəlxalq hüququn ABŞ üçün məcburi olmadığını, zəruri hallarda son qərarı şəxsən verdiyini deyib.

Milli.Az Tramp Rusiya-Ukrayna müharibəsinə toxunaraq Avropanın təhlükəsizliyinə və NATO-ya sadiq olduğunu, NATO ölkələrinin müdafiə xərclərini artırmasına məhz onun nail olduğunu vurğulayıb.

Venesuela ilə bağlı açıqlamalarında Tramp Nikolas Maduronun hakimiyyətdən uzaqlaşdırılmasını dəstəklədiyini, ABŞ-nin Venesuelaya uzun müddət siyasi və iqtisadi təsir göstərə biləcəyini bildirib. O, ölkənin neft ehtiyatlarının ABŞ tərəfindən istifadə ediləcəyini və Vaşinqtonun Venesuelanı "yenidən quracağını" deyib.

ABŞ-nin Venesuelada nə qədər qalacağı ilə bağlı konkret vaxt açıqlamayan Tramp bu müddətin "çox daha uzun" olacağını qeyd edib. Qrenlandiya məsələsinə də toxunan Tramp adanın ABŞ üçün strateji əhəmiyyət daşıdığını vurğulayıb.

Fidan
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.