Dünya

"Madurodan sonra o da devriləcək, az qalıb"

8 Yanvar 2026 10:22

Baxış: 1 728

VTB-də minimal faiz dərəcəsi ilə nağd kredit 9.9%-dən

#DÜNYADA #ABŞ #VENESUELA #DONALD TRAMP

ABŞ senatoru Rik Skott hesab edir ki, Vaşinqtonun Venesueladan neft ixracına tətbiq etdiyi blokada kommunist Kuba rejiminə ciddi təzyiq göstərir və bu, Havana hökumətinin yaxın zamanda süqutuna gətirib çıxara bilər.

Milli.Az xarici mediaya istinadla xəbər verir ki, Skott "NewsNation" kanalında müsahibəsində bildirib ki, Kuba hökumətinin devrilməsi "bu il, ya da ən gec gələn il" baş verə bilər:

"Düşünürəm ki, bu mütləq baş verəcək. Maduro ilə bağlı da oxşar proqnozlar vermişdim, sadəcə bir az daha uzun çəkdi. Amma sonda demokratiya gələcək", - deyə senator vurğulayıb.

Onun sözlərinə görə, Kuba prezidenti Migel Dias-Kanelin rəhbərlik etdiyi rejim artıq çökmə mərhələsinə daxil olub.

"Bu, Diaz-Kanel və ümumilikdə Kastro rejiminin sonu olacaq. Biz artıq bu prosesin içindəyik", - deyə Skott Kubaya qarşı iqtisadi təzyiqlərin və hərbi risklərin artdığını qeyd edib.

ABŞ prezidenti Donald Tramp da son açıqlamalarında Kubanın "süquta hazır" vəziyyətdə olduğunu bildirib.

Milli.Az