Dünya

Maduro 113 ton qızılı görün hansı ölkəyə qaçırıbmış

7 Yanvar 2026 21:36
Baxış: 6 518
VTB-də minimal faiz dərəcəsi ilə nağd kredit 9.9%-dən
#VENESUELA

Venesuela iqtisadiyyatının çökdüyü illərdə Nikolas Maduro hökumətinin ölkə rezervindəki qızılları böyük miqyasda ölkədən çıxardığı sənədlərlə sübut olunub.

Milli.Az xəbər verir ki, 2013-2016-cı illər arasında Mərkəzi Banka məxsus 113 ton qızıl İsveçrəyə daşınıb.

"Reuters" və İsveçrənin SRF telekanalının araşdırmasına görə, daşınan qızılın ümumi dəyəri təxminən 5,2 milyar dollar (4,14 milyar İsveçrə frankı) təşkil edib.

Ekspertlər bildirirlər ki, Maduro rəhbərliyi neft gəlirlərinin azalması və ABŞ sanksiyaları səbəbindən yaranan valyuta qıtlığını aradan qaldırmaq üçün qızılları nağd pula çevirməyə çalışıb. Qızıllar İsveçrə emal zavodlarına (rafinerilərə) sertifikatlaşdırılması və daha asan satılması üçün göndərilib.

2017-ci ildə Avropa İttifaqının sanksiyaları dövrəyə girdikdən sonra bu xətt tamamilə bağlanıb. Gömrük qeydlərinə görə, 2017-2025-ci illər arasında İsveçrəyə hər hansı qızıl daşınması qeydə alınmayıb.

İsveçrə Federal Şurası 5 yanvar 2026-cı il tarixində Nikolas Maduro və onun 36 yaxın adamına məxsus bütün əmlak və aktivləri dondurub. İsveçrə rəsmiləri bildiriblər ki, əgər bu vəsaitlərin qanunsuz yollarla əldə edildiyi sübut olunarsa, gələcəkdə həmin vəsaitlər Venesuela xalqına qaytarıla bilər.

"StoneX" bazar analitiki Rona O'Konell qeyd edib ki, 2012-2016-cı illər arasında Venesuela Mərkəzi Bankı "məcburi satış" dövrünə girmişdi. Onun sözlərinə görə, bu qızılların bir hissəsi maliyyə qurumlarının əlində qalıb, bir hissəsi isə kiçik külçələr şəklində Asiya bazarlarına yönəldilib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.