Dünya

Zelenski: Ukrayna Fransa ilə tarixi saziş hazırlayıb

16 Noyabr 2025 20:19
Baxış: 850
VTB-də minimal faiz dərəcəsi ilə nağd kredit 9.9%-dən
#UKRAYNA #FRANSA

Ukrayna artıq müdafiə qabiliyyətinin gücləndirilməsi ilə bağlı Fransa ilə tarixi saziş hazırlayıb.

Milli.Az report-a istinadən xəbər verir ki, bunu Ukrayna Prezidenti Volodimir Zelenski səhər müraciətində bildirib.

"Fransa ilə tarixi saziş hazırlamışıq - bu, bizim döyüş aviasiyamızın, havadan müdafiəmizin və digər müdafiə imkanlarımızın əhəmiyyətli dərəcədə güclənməsi olacaq. Ziyarət proqramına görə bu, bazar ertəsi baş tutacaq", - o, qeyd edib.

Ukrayna lideri, həmçinin çərşənbə axşamı İspaniyaya planlaşdırılan səfərini də elan edib. Səfərin məqsədi hava hücumundan müdafiə sahəsində tərəfdaşlığın möhkəmləndirilməsi və Rusiyanın hücumlarından sonra Ukrayna qüvvələrinin bərpasıdır.

Zelenski qarşıdakı görüşün səmərəli olacağına ümid etdiyini bildirib, çünki İspaniya Ukraynaya yardım təşəbbüslərinə qoşulub. "Bizim üçün bu gün ən vacib prioritetlər - hava hücumundan müdafiə, sistemlər, raketlərdir. Biz Rusiyanın hər zərbəsindən sonra qüvvələrimizin bərpasını təmin edirik. Bu, asan deyil, amma bunu edirik. Həmçinin - bizim dayanıqlığımız, qışa hazırlığımız", - o, gələcək danışıqların gündəliyini açıqlayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.