Dünya

Müdirinin aldığı pivədən komaya düşüb öldü - FOTO

21 Oktyabr 2025 11:55
Baxış: 2 121
VTB-də minimal faiz dərəcəsi ilə nağd kredit 9.9%-dən
#DÜNYADA #HADİSƏ #SAĞLAMLIQ #NARKOTİK #CİNAYƏT #SAĞLAM QİDA

Yeni Zelandiyada 21 yaşlı gənc içdiyi pivədən sonra komaya düşərək həyatını itirib.

Milli.Az xəbər verir ki, "Mirror" nəşrinin məlumatına görə hadisə 2023-cü ilin martında Oklend şəhərində baş verib. Eydan Saqala adlı gənc işdən qayıdarkən müdirindən hədiyyə olaraq aldığı "Honey Bear Beer" markalı pivədən bir qutu gətirib. O, içkinin ilk qurtumunu aldıqda dadının qəribə dərəcədə duzlu olduğunu hiss edib. Onun qohumu da pivəni dadsa da, dərhal tüpürüb və içkidə "dəniz duzu və kimyəvi maddə" dadı olduğunu söyləyib.

Bir neçə dəqiqə sonra Eydanın halı pisləşib. O, anasına zəng edərək vəziyyətinin ağırlaşdığını bildirib. Ardınca onun üzü göyərib və bacısı təcili yardımı çağırıb, həmçinin qardaşına ürək-ağciyər masajı edib. Gənc xəstəxanaya çatdırılsa da, komaya düşüb və çoxsaylı orqan çatışmazlığı yaranıb. Beş gün sonra isə onun ürəyi dayanıb.

Araşdırmalar zamanı məlum olub ki, pivə bankasının içərisində maye halda metamfetamin olub. Yeni Zelandiya polisi hadisə ilə bağlı genişmiqyaslı əməliyyat keçirib və nəticədə ölkədə fəaliyyət göstərən böyük narkoticarət şəbəkəsi aşkarlanıb. Hüquq-mühafizə orqanları Oklenddəki anbarda ABŞ-dan gətirilmiş kombuça içkiləri, Hindistandan idxal olunmuş kokos suyu və Kanadadan göndərilmiş pivə partiyasında ümumilikdə 700 kiloqram mayə metamfetamin tapıblar.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.