Dünya

Tramp bu məhsullara 100 faizlik rüsum tətbiq etdi

26 Sentyabr 2025 10:40
Baxış: 1 013
VTB-də minimal faiz dərəcəsi ilə nağd kredit 9.9%-dən
#ABŞ #DONALD TRAMP

ABŞ Prezidenti Donald Tramp ağır yük maşınları, eləcə də mətbəx şkafları, vanna otağı dolabları və yumşaq mebellərə yeni sahə rüsumları tətbiq edəcəyini açıqlayıb.

Milli.Az bildirir ki, bu barədə Bloomberg agentliyi məlumat yayıb.

Məlumata görə, oktyabrın 1-dən etibarən ağır yük maşınlarına 25 faiz, yumşaq mebellərə 30 faiz, mətbəx şkafları və vanna otağı üçün dolablara isə 50 faiz idxal rüsumu qüvvəyə minəcək.

Tramp bu qərarı Amerika istehsalçılarını "ədalətsiz xarici rəqabətdən qorumaq" məqsədi ilə izah edib.

Agentlik qeyd edir ki, ABŞ prezidentinin yeni tariflərlə bağlı açıqlaması, o cümlədən brend və patentləşdirilmiş dərman vasitələrinə 100 faiz rüsum tətbiqi barədə qərarı, Ticarət Nazirliyinin idxal ilə bağlı apardığı araşdırmalardan sonra verilib.

Hazırda Ağ Ev və ABŞ Ticarət Nazirliyi yeni planların detalları və onların necə icra ediləcəyi barədə açıqlama verməyib.

Qeyd edək ki, bu həftə BMT Baş Assambleyasında çıxış edən Donald Tramp Vaşinqtonun Ukrayna münaqişəsinin başa çatmasına razılıq vermədiyi halda Rusiya əleyhinə "ciddi rüsumlar" tətbiq etməyə hazır olduğunu da bəyan etmişdi.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.