Dünya

"Türkiyəyə getməyin meymunçiçəyi var" - Turistlərə xəbərdarlıq edildi

1 Sentyabr 2025 12:05

Baxış: 1 489

VTB-də minimal faiz dərəcəsi ilə nağd kredit 9.9%-dən

#DÜNYADA #TÜRKİYƏ #MEYMUNÇİÇƏYİ

Türkiyədə meymunçiçəyi xəstəliyinin aşkarlandığı iddia edilir.

Milli.Az xəbər verir ki, bu barədə iddia İngiltərənin Türkiyəyə səyahətlə bağlı xəbərdarlığında qeyd olunub.

İngiltərə Ümumdünya Səhiyyə Təşkilatına istinad edərək Türkiyədə 7 avqust 2025-ci ildə meymunçiçəyi (mpox) xəstəliyinin görüldüyünü bildirərək səfər xəbərdarlığı yayıb. Xəbərdə qeyd olunur ki, xəstəlik orta yaşlı kişidə aşkarlanıb və onun Birləşmiş Ərəb Əmirliklərinə səfər etdiyi bildirilir.

Hazırda Türkiyədə təsdiqlənmiş yeni mpox hadisəsi barədə Sağlıq Nazirliyindən rəsmi açıqlama yoxdur.

Qeyd edək ki, meymun çiçəyi insanlarda və bəzi heyvanlarda görülən yoluxucu xəstəlikdir. İlk dəfə meymunlarda aşkar edilib, lakin gəmiricilər də virusu daşıya bilər. İnsanlara infeksiyalı heyvan və ya xəstə şəxslərlə yaxın təmas yolu ilə yoluxur. Xəstəlik yüksək hərarət, baş və əzələ ağrısı, halsızlıq və dəridə səpgilərlə özünü göstərir. Adətən yüngül keçir, immuniteti zəif olanlarda ağırlaşma riski var. Müalicə əsasən dəstəkləyici və simptomatikdir, xəstələr izolasiya olunur. Mpox-un bəzi formaları ölümcül deyil, lakin asan yoluxur, yoluxmanın əsas səbəbi yaxın təmas və səyahətlərdir.

İsmayıl
Milli.Az