Dünya

BMT sülhməramlıları Livandan gedir

29 Avqust 2025 09:24
Baxış: 930
VTB-də minimal faiz dərəcəsi ilə nağd kredit 9.9%-dən
#YAXIN ŞƏRQ #BMT #LİVAN

BMT Təhlükəsizlik Şurası Livandakı UNIFIL sülhməramlı missiyasının 2026-cı ilin sonuna qədər başa çatdırılması və daha sonra personalın ölkədən çıxarılması barədə qərarı yekdilliklə dəstəkləyib.

Milli.Az xəbər verir ki, bu barədə "Reuters" məlumat yayıb.

Qərar avqustun 28-də Fransa və ABŞ arasında aparılan danışıqlardan sonra Şuranın 15 üzvü tərəfindən qəbul edilib.

Beləliklə, UNIFIL-in mandatı 31 dekabr 2026-cı ilədək qüvvədə olacaq. Həmin tarixdən sonra isə sülhməramlıların mərhələli və təhlükəsiz şəkildə çıxarılmasına başlanacaq. Bu proses Livan hökuməti ilə sıx koordinasiya şəraitində həyata keçiriləcək.

ABŞ-ın BMT-dəki müvəqqəti nümayəndəsi Doroti Şey vurğulayıb ki, Livandakı təhlükəsizlik vəziyyəti dəyişib və artıq ölkə hökumətinin üzərinə daha çox məsuliyyət götürməsinin vaxtı çatıb.

Xatırladaq ki, 2024-cü ilin noyabrında ABŞ Livan və İsrail arasında atəşkəsin əldə olunmasında vasitəçilik etmişdi. Bu razılaşma Qəzza müharibəsi fonunda bir ildən artıq davam edən döyüşlərdən sonra mümkün olmuşdu. /Apa

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.