Dünya

Tramp: Putinlə danışıqlarda əhəmiyyətli irəliləyiş əldə olunub

16 Avqust 2025 09:01

Baxış: 1 132

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA #ABŞ #NÜVƏ SİLAHI

ABŞ Prezidenti Donald Tramp rusiyalı həmkarı Vladimir Putinlə görüşündən sonra "Fox News" telekanalına verdiyi müsahibədə bir sıra mühüm məsələlərə toxunub.

O qeyd edib ki, Ukrayna böhranının həlli artıq əsasən Ukrayna Prezidenti Volodimir Zelenski və Avropa ölkələrinin mövqeyindən asılıdır.

Trampın sözlərinə görə, Zelenski Rusiya ilə münaqişədə itirə biləcəyi çox şey olduğunu dərk etməlidir. O, Rusiyanı Ukraynadan fərqli olaraq daha güclü dövlət kimi qiymətləndirib və Kiyevə münaqişənin həlli üçün razılığa gəlməyi tövsiyə edib.

"Putinlə aparılan danışıqlar zamanı əhəmiyyətli irəliləyişə nail olmaq mümkün oldu. Ukrayna böhranının nizamlanması ilə bağlı sazişin imzalanması üçün real imkanlar var. Avropa ölkələri də bu prosesdə aktiv rol oynamalıdır", - Tramp vurğulayıb.

O əlavə edib ki, münaqişənin başa çatdırılması həm Putin, həm də Zelenski üçün ciddi siyasi uğur ola bilər.

Tramp, həmçinin, gələcəkdə Putin və Zelenski arasında keçiriləcək mümkün görüşdə iştirak edə biləcəyini istisna etməyib.

Müsahibənin sonunda o, Rusiyanın böyük nüvə potensialına sahib olduğunu xatırladaraq, bu reallıqla hesablaşmağın vacibliyini qeyd edib.

Kənan
Milli.Az