Dünya

Bu ölkənin baş naziri qardaşı arvadına görə istefa verdi

1 Avqust 2025 08:48
Baxış: 1 937
VTB-də minimal faiz dərəcəsi ilə nağd kredit 9.9%-dən
#LİTVA

Litvaniyanın Baş naziri Gintautas Paluckas, ailəsi ilə bağlı şirkətlər üzərindən aparılan korrupsiya istintaqı səbəbilə vəzifəsindən istefa verib. Məlum olub ki, qardaşının həyat yoldaşına məxsus bir şirkət, Avropa İttifaqı dəstəyi ilə Paluckasa məxsus başqa bir firmadan batareya sistemləri alıb.

Litvaniya Prezidenti Gitanas Nauseda, jurnalistlərə verdiyi açıqlamada, "Paluckas bu səhər mənə zəng etdi və istefa verdiyini bildirdi" - deyə açıqlayıb. Gintautas Paluckas məsələ ilə bağlı hələ rəsmi açıqlama verməyib. Lakin məlumata görə, onun istefası ailəsinə məxsus şirkətlərdə aşkar edilən maliyyə pozuntuları və korrupsiya istintaqı ilə əlaqədardır.

Gintautas Paluckasın yalnız Baş nazirlikdən deyil, həm də Litva Sosial Demokrat Partiyasının sədri vəzifəsindən istefa verəcəyi bildirilib. Partiya rəhbərliyinə isə keçmiş İqtisadiyyat və İnnovasiya naziri Mindaugas Sinkeviciusun keçəcəyi gözlənilir.

Gintautas Paluckas ötən ilin oktyabrında keçirilən parlament seçkilərindən sonra yaradılan üç partiyalı koalisiya hökumətinin başçısı olaraq vəzifəyə başlamışdı. Onun istefası ilə birlikdə koalisiyanın dağılması və kabinetin də istefa verməsi gözlənilir.

Məlumata görə, Litvaniya Maliyyə Cinayətləri Araşdırma Xidməti bu gün səhər saatlarında Baş nazir Gintautas Paluckasın qardaşı Danas Paluckasın həyat yoldaşına məxsus "Dankora" adlı şirkətdə axtarış aparıb. Sözügedən şirkət, Avropa İttifaqının maliyyə dəstəyi ilə, Baş nazir Paluckasa məxsus şirkətdən batareya sistemləri almışdı.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.