Dünya

Lukaşenkodan Putinə simvolik hədiyyə

27 İyun 2025 12:28
Baxış: 1 530
VTB-də minimal faiz dərəcəsi ilə nağd kredit 9.9%-dən
#DÜNYADA #RUSİYA #PUTİN

Belarus tərəfi Rusiya Prezidenti Vladimir Putin və digər yüksək səviyyəli qonaqlar üçün eksklüziv hədiyyə hazırlayıb.

Milli.Az xəbər verir ki, bu barədə Belarus Prezidentinin mətbuat katibi Natalya Eysmont məlumat verib.

"Əminəm ki, bildiyiniz kimi, biz vədlərimizi yerinə yetirməkdə yaxşıyıq - üç il gözləmək lazım deyil. Vladimir Vladimiroviç və digər yüksək rütbəli qonaqlar üçün eksklüziv hədiyyələr hazırdır", - deyə Eysmont açıqlamasında bildirib.

Daha əvvəl, iyunun 14-də "Bellakt" ASC-yə səfəri zamanı Belarus Prezidenti Aleksandr Lukaşenko süd məhsulları şirkəti olan "Moloçnıy Mir" nümayəndəsindən Rusiya liderinə hədiyyə etmək üçün pendir çarxına Kremlin təsvirini çəkməyi xahiş etmişdi. "Kremlini bura çəkin, mən onu Putinə verim. O, ayın sonunda gələcək", - Lukaşenko bildirmişdi.

Qeyd edək ki, iyunun 27-də Minskdə, Müstəqillik Sarayında Belarus Prezidentinin sədrliyi ilə Avrasiya İqtisadi İttifaqı (Aİİ) sammiti keçiriləcək. Rusiya Prezidentinin həmin tədbirdə iştirakı gözlənilir və hədiyyənin məhz bu zaman təqdim olunacağı ehtimal edilir.

Fidan
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.