Dünya

Tramp: İranı yenə vura bilərik

25 İyun 2025 14:33

Baxış: 1 608

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN #İSRAİL #ABŞ #DONALD TRAMP

ABŞ Prezidenti Donald Tramp bildirib ki, İsrail kəşfiyyatı İranda yerləşən Fordo nüvə obyektinin tamamilə məhv edildiyini təsdiqləyib.

Tramp bu barədə Haaqada keçirilən NATO sammiti çərçivəsində jurnalistlərə açıqlama verib.

O deyib ki, əldə olunan kəşfiyyat məlumatları İranın nüvə proqramına ciddi zərbə vurulduğunu göstərir. Prezidentin sözlərinə görə, obyektin tamamilə sıradan çıxarılması İranın uran zənginləşdirmə fəaliyyətini əngəlləməyə yönəlib və regionda güc balansına təsir göstərə bilər.

"Düşünürəm ki, iranlıların Fordodan nələri isə təxliyə etmək imkanı olmayıb. Çünki biz çox cəld hərəkət etdik. Bombalar dəqiqliklə lazım olan yerlərə düşdü. Həqiqətən qüsursuz əməliyyat idi. İsrail hazırda məsələ ilə bağlı hesabat hazırlayır", - Tramp vurğulayıb.

ABŞ Prezidenti Donald Tramp bəyan edib ki, İran nüvə silahı proqramını yenidən gücləndirərsə, ABŞ bir daha hərbi zərbə endirəcək.

Tramp jurnalistlərin "Əgər davam etsələr, yenidən vurarsınız?" sualına qısa şəkildə "Əlbəttə" cavabını verib.

İslam
Milli.Az