Dünya

Putinin keçmiş arvadı sanksiya siyahısında - FOTO

18 İyun 2025 16:12

Baxış: 2 000

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA #KANADA

Kanada hökuməti Rusiyaya qarşı növbəti sanksiyalar paketini açıqlayıb. Yeni siyahıya 77 fiziki və 39 hüquqi şəxs, eləcə də 201 gəmi daxil edilib. Məhdudiyyətlərə əsasən, həmin şəxslərin Kanadaya girişinə qadağa qoyulur, ölkədəki aktivləri isə dondurulur.

Milli.Az rus mediasına istinadla xəbər verir ki, sanksiyalar Rusiya Prezidenti Vladimir Putinin keçmiş həyat yoldaşı Lyudmila Oçeretnaya və onun əri Artur Oçeretni, eləcə də Putinin əmisi oğlu Mixail Putin, sinif yoldaşı Viktor Xmari və ailə üzvlərini əhatə edib. Siyahıda həmçinin "Nord Stream AG"nin sabiq direktoru Matthias Warnig, "Rusnano"nun keçmiş rəhbəri Anatoli Çubays, tanınmış dirijor Valeri Qerqiyev, gimnastika üzrə keçmiş məşqçi İrina Viner, və "AFK Sistema"nın qurucusu Vladimir Yevtuşenkov da var.

Sanksiyalara məruz qalanlar arasında Boris Yeltsinin qızı Tatyana Yumaşeva və onun həyat yoldaşı, Putinin sabiq müşaviri Valentin Yumaşev, eləcə də Sankt-Peterburq Mədən Universitetinin rektoru Vladimir Litvinenko və "Elseti" şirkətinin rəhbəri Samvel Karapetyan da yer alır.

Yeni idxal-ixrac məhdudiyyətləri kömür, metal və digər strateji malları, eləcə də ikili təyinatlı texnologiyaları əhatə edir.

Eyni gün Böyük Britaniya da Rusiyaya qarşı əlavə sanksiyalar elan edib. Sanksiya siyahısında Rusiya Müdafiə Nazirliyinin Dərin Dəniz Tədqiqatları Müdirliyi və bəzi Britaniya yurisdiksiyasında qeydiyyatdan keçmiş şirkətlər də yer alıb.

Rusiya səfirliyi bu addımların "ölkə iqtisadiyyatına və siyasətinə təsir göstərmədiyini" və "əksinə, Qərb dövlətlərinin özlərinə ziyan vurduğunu" bildirib.

Fidan
Milli.Az