Dünya

Yeni papa kim oldu? - "Kapelladan qara tüstü qalxdı" - FOTO

8 May 2025 09:39

Baxış: 277

VTB-də minimal faiz dərəcəsi ilə nağd kredit 9.9%-dən

#DÜNYADA #ROMA

Papa Fransiskin vəfatından sonra Katolik Kilsəsinin 267-ci liderini seçmək üçün keçirilən konklavın ilk turunda nəticə əldə olunmayıb. Sikstin kapellasının bacasından qara tüstü qalxaraq səsvermənin uğursuzluğunu elan edib.

Milil.Az xəbər verir ki, yeni Papa seçmək üçün yaşı 80-dən aşağı olan 133 kardinal dünən səhər saatlarında ilahilər müşayiəti ilə kapellaya daxil olub və səsverməyə başlayıb. "Extra Omnes" - "Kənarda işi olmayanlar çıxsın" - əmri ilə yalnız seçkiyə qatılanlar kilsədə qalıb.

Səsvermə nəticəsiz qaldığı üçün sabahdan etibarən gündə dörd dəfə - iki dəfə səhər, iki dəfə günortadan sonra səsvermə keçiriləcək. Üçdə iki səs çoxluğu təmin olunana qədər proses davam edəcək.

Papalığa namizədlər arasında italyan Pietro Parolin, macar Peter Erdo, amerikalı Raymond Leo Burke, filippinli Luis Antonio Tagle və digər tanınmış kilsə xadimləri yer alır. Bu konklavda ilk dəfə 15 ölkə - o cümlədən Mərkəzi Afrika Respublikası, Malayziya, Sinqapur və Paraqvay - kardinal nümayəndə ilə təmsil olunur.

Əgər gələcək səsvermələrdən birində yeni Papa seçilərsə, bu, bacadan qalxan ağ tüstü və zəng səsi ilə elan olunacaq.

Fidan
Milli.Az