Məşhur aparıcı və həyat yoldaşı ABŞ-ni tərk etdi

Məşhur amerikalı televiziya aparıcısı Ellen DeGeneres və onun həyat yoldaşı, keçmiş aktrisa Portia de Rossi ABŞ-ı tərk edərək İngiltərəyə köçüblər. Bu qərar onların həyatında yeni mərhələnin başlanğıcı hesab olunur və uzun illər davam etdirdikləri ev flipləmə (al-sat) fəaliyyətlərinə də son qoyacaqlarını göstərir.

Milli.Az xəbər verir ki, cütlük indiyə qədər Kaliforniyada milyonlarla dollarlıq əmlaklar alaraq, onları təmir edib yüksək qiymətə satmaqla tanınıblar.

Lakin son məlumatlara görə, artıq bu fəaliyyətlərini dayandıraraq ABŞ-da əmlak bazarından çəkiliblər.

Yeni həyat: İngiltərə - Cotsvolds bölgəsində dəbdəbəli məkan

DeGeneres və de Rossi İngiltərənin prestijli Cotswolds bölgəsində ev alıblar və yaxın gələcəkdə ABŞ-yə geri dönmək niyyətində deyillər. Onların niyyəti bu dəfə ev flipləmə fəaliyyətlərini İngiltərənin kənd bölgələrində davam etdirmək olsa da, ekspertlər bu fəaliyyətin bu ölkədə əvvəlki qədər asan olmayacağını bildirirlər.

İngiltərədə ev flipləmək daha çətin olacaq

Əmlak üzrə məsləhətçi Gemma Maclaran bildirib ki, Cotsvolds kimi kənd ərazilərində yüksək dəyərli əmlaklar əsasən uzunmüddətli sərmayə üçün saxlanılır və bazara nadir hallarda çıxarılır. Bundan əlavə, tarixi əmlakların təmirinə dair ciddi hüquqi məhdudiyyətlər və bürokratik əngəllər var ki, bu da planlaşdırılan dəyişiklikləri həyata keçirməyi çətinləşdirir.

Təmir xərcləri və vergi artımları flipləmə fəaliyyətini riskə atır

Maclaranın sözlərinə görə, İngiltərədə təmir xərcləri son illərdə kəskin şəkildə artıb. Pandemiyadan sonra kvadrat fut başına təmir xərci artıq £400-a (təxminən 850 AZN) çatıb, yüksək keyfiyyətli işlərdə isə bu məbləğ £1,000-a (təxminən 2,120 AZN) qədər yüksəlir. Bundan başqa, ikinci ev alan şəxslərə tətbiq edilən stamp duty vergisinin artımı da ev alqı-satqısı ilə məşğul olanlar üçün əlavə yük yaradır.

ABŞ-dəki son satış - $96 milyonluq ev

Ellen DeGeneres və Portia de Rossi Santa Barbara Countydə yerləşən $96 milyon (təxminən 163 milyon AZN) dəyərindəki sahil evini $70 milyon (təxminən 119 milyon AZN) qarşılığında alaraq diqqət çəkmişdilər. Lüks üslubda tikilmiş bu cür mülklər onların zövqünə daha çox uyğun gəlirdi. Lakin İngiltərədə, xüsusilə Cotswolds bölgəsində, təmirə ehtiyacı olan tarixi və köhnə evlərlə işləmək onların əvvəlki uğurlarını təkrarlamaqda çətinlik yarada bilər.

Gələcək planlar və risklər

İngiltərə əmlak bazarının özünəməxsus xüsusiyyətləri, təklifin məhdudluğu və hüquqi tələblər, DeGeneres və de Rossinin bu sahədəki uğurunu davam etdirməsini sual altına alır. Əgər onlar bu bazarda davam etmək istəyirlərsə, daha az inkişaf etmiş kənd ərazilərində yerləşən və yenidənqurmaya daha açıq əmlaklara yönəlməli olacaqlar.

Ellen DeGeneres və Portia de Rossi İngiltərəyə köçməklə yeni bir həyat mərhələsinə qədəm qoyurlar. ABŞ-də həyata keçirdikləri uğurlu ev flipləmə layihələrinə bənzər nailiyyətlərə burada da imza atmaq istəsələr də, Cotsvolds bölgəsinin çətinlikləri bu hədəfə çatmağı bir qədər çətinləşdirə bilər.

Kənan
Milli.Az