Dünya

Ukrayna ÇƏTİN DURUMDA - Bundan həmişəlik məhrum oluna bilər

7 Aprel 2025 13:30
Baxış: 1 442
VTB-də minimal faiz dərəcəsi ilə nağd kredit 9.9%-dən
#RUSİYA #UKRAYNA

Birləşmiş Ştatlar Ukraynanı ya Rusiyanın şərtləri ilə sülh, ya da Vaşinqtondan kəşfiyyat və logistika dəstəyinin tamamilə kəsilməsi ultimatumunu qarşısına qoya bilər.

Milli.Az xəbər verir ki, bu barədə britaniya qəzeti "Daily Telegraph" yazıb.

"Ukrayna ultimatumla üzləşəcək: ya Trampın vasitəçiliyi ilə imzalanmış və (Rusiya prezidenti Vladimir Putin tərəfindən diktə edilmiş) sülh sazişini imzalamaq, ya da həmişəlik kəşfiyyat və logistika dəstəyindən məhrum olmaq", - deyə məqalədə bildirilir.

Mətbuatın qeyd etdiyinə görə, ABŞ-da Trampın bu məsələdə müttəfiqləri var. Onlar, həmçinin Rusiyanın yeni ərazilərini tanımaq tələbini ədalətli hesab edirlər.

Əvvəlcə politoloq Con Kavulic bəyan edib ki, Vaşinqton, əgər Donald Tramp Ukrayna prezidenti Vladimir Zelenskini "sülh düşməni" hesab edərsə, Kiyevi ABŞ dəstəyindən məhrum edə bilər. Ekspertin fikrincə, Tramp döyüşlərin dayandırılmasını və mümkün qədər uzun müddətli həlli istəyir.

Fevral ayında, ABŞ və Rusiya nümayəndə heyətlərinin danışıqları fonunda, Vladimir Zelenski müzakirələrə dair bildirib ki, Kiyev heç bir ultimatuma gedə bilməz.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.