Dünya

Onlar 3 gün işləyəcək

7 Aprel 2025 13:00
Baxış: 1 793
VTB-də minimal faiz dərəcəsi ilə nağd kredit 9.9%-dən
#DÜNYADA #MİCROSOFT

Bill Qeyts qatıldığı bir proqramda süni intellektin gələcəyin iş rejiminə necə təsir edəcəyi barədə mühüm fikirlər səsləndirib.

Milli.Az xəbər verir ki, "Microsoft"un təsisçilərindən biri olan Bill Qeyts süni intellektin iş həyatında inqilabi dəyişikliklər yarada biləcəyini və qarşıdakı on il ərzində insanların yalnız həftədə iki və ya üç gün işləyəcəyi dövrə keçəcəyini bildirib.

Məşhur gecə proqramı "The Tonight Show Starring Jimmy Fallon"da qonaq olan Bill Qeyts süni intellekt sahəsindəki sürətli inkişafların xüsusilə səhiyyə və təhsil kimi sahələrdə ciddi dönüşlərə yol açacağını qeyd edib.

"Süni intellekt bir çox işi öz üzərinə götürəcək"

Bill Qeyts "Gələcəkdə işlər necə olacaq? Həftədə sadəcə iki ya da üç günmü işləməliyik?" sualına cavab olaraq belə deyib: "Artıq bir çox işin insanlar tərəfindən yerinə yetirilməsinə ehtiyac qalmayacaq".

Xatırladaq ki, Bill Qeyts daha əvvəl də süni intellektin yaratdığı məhsuldarlıq artımlarının zamanla üçgünlük iş sisteminə keçidi mümkün edə biləcəyini vurğulamışdı.

Lakin Bill Qeytsin bu baxışının əksi olaraq, uzun iş saatlarının normal sayıldığı Hindistan kimi ölkələrdə bu fikir məntiqli qarşılanmaya bilər. Məsələn, "Infosys"in qurucusu Narayana Murti və "Larsen & Toubro"nun rəhbəri SN Subrahmanyan iqtisadi artımı təşviq etmək məqsədilə gələcəkdə daha çox işləməyin zəruri olduğunu düşünürlər./valyuta.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.