Martın 15-dən "qaranlıq günlər" başlayır - XƏBƏRDARLIQ

Borc götürməkdən çəkinin, şübhəli maliyyə macəralarından uzaq olun və 2025-ci ildə Merkuri retrogradının ilk dövründə avadanlıq almağı dayandırın.

Milli.Az xəbər verir ki, bu barədə "Moskva 24" telekanalına rusiyalı astroloq Anastasiya Qroxotova məlumat verib.

Onun sözlərinə görə, bu il Merkurinin ilk retrogradı martın 15-də başlayacaq və aprelin 7-dək davam edəcək.

Planet məntiq, təfəkkür, məlumat ötürülməsi, nəqliyyat və ticarəti idarə edir. Bununla bağlı hər şey Merkuri geriyə gedən kimi yavaşlayır: səhvlər, gecikmələr, anlaşılmazlıqlar yaranır.

"İnsanlar da informasiyanı daha pis qavramağa, tələsik və ya yanlış qərarlar qəbul etməyə başlayırlar", - deyə ekspert qeyd edib.

Üstəlik, astroloqun fikrincə, Merkurinin bu dövrdə keçdiyi bürcün də böyük əhəmiyyəti var:

"Martın 30-na qədər iddialılıq, impulsivlik, qətiyyət və liderlik əlaməti olan Qoç bürcündən keçəcək. Burada retrograd Merkuri sərt sözlərə və düşünülməmiş bəyanatlara, anlaşılmazlıqlara, sonradan peşman ola biləcək tələsik qərarlara görə qarşıdurma və mübahisələrə doğru sövq edə bilər. Həm də hesablamalar və sənədlərdəki səhvlərə".

"Bu zaman emosiyaları nəzarət altında saxlamağa dəyər, xüsusən də yazışmalarda və danışıqlarda. Nəyisə təsdiq etməzdən və ya imzalamazdan əvvəl məlumatları iki dəfə yoxlayın. Həm də öz üzərinə çoxlu öhdəliklər götürməyin, xüsusən də şəxsi məsuliyyətlə bağlı olanları", - astroloq məsləhət görüb.

Martın 30-dan sonra Merkuri intuisiya, fantaziya, yaradıcılıq və dərin emosionallıq, eləcə də illüziyalara bağlı olan Balıqlar bürcünə qayıdacaq.

Bu dövrdə çoxları şübhəli, narahat və diqqətsiz olacaq. Eyni zamanda fırıldaqçılar və manipulyatorlar da fəallaşa bilər.

"Mən sizə məsləhət görürəm ki, xüsusilə də sənədlərdə və müqavilələrdə detallara diqqət yetirin. Və təbii ki, borc verməyin, həmçinin şübhəli maliyyə macəralarından uzaq durun. Yorğunluq baş verərsə, mütləq dincəlmək üçün fürsət tapın. Amma tam hərəkətsizliyə qapılmayın", - deyə Qroxotova qeyd edib.

O, bildirib ki, bu dövrü lazımsız narahatlıqlar olmadan keçmək üçün əsas şey şüurlu hərəkət etməkdir. Tələsməyə ehtiyac yoxdur və bütün vacib məsələlər və görüşlər əvvəlcədən planlaşdırılmalıdır.

"Bundan əlavə, avadanlıq və qadcetlərin alınmasını dayandırmağı məsləhət görürəm: indi gözləmədiyiniz bir şeyi əldə etmək və ya yeni alınmış əşyanın tez sıradan çıxması ilə qarşılaşmaq riski yüksəkdir" deyə astroloq xəbərdarlıq edib.

"Diaqnozlarda mümkün səhvlərin qarşısını almaq üçün planlaşdırılan tibbi müayinəni daha gec bir tarixə təxirə salmaq daha yaxşıdır". /BAKU.WS

Milli.Az