Dünya

Sarkisyanın ölkədən çıxışına qadağa qoyuldu

12 Mart 2025 17:42
Baxış: 851
VTB-də minimal faiz dərəcəsi ilə nağd kredit 9.9%-dən
#MƏHKƏMƏ #ERMƏNİSTAN #ERMƏNİ

Ermənistanın keçmiş prezidenti Serj Sarkisyan (2008-2018) külli miqdarda çirkli pulların yuyulmasına yardım etməklə bağlı ittihamlarla üzləşir.

Milli.Az xəbər verir ki, bu barədə ölkənin Baş Prokurorluğuna istinadən "Hraparak" nəşri məlumat yayıb.

Məlumata görə Sarkisyan prezidentliyi dövründə külli miqdarda pul özəlləşdirilib. O, vəzifə səlahiyyətlərindən sui-istifadə etməkdə də ittiham olunur. Lakin onun həbsi ilə bağlı hələlik hər hansı bir rəsmi açıqlama verilməyib. Ona qarşı qabaqlayıcı tədbir kimi ölkəni tərk etməməsi barədə yazılı öhdəlik seçilib.

Bundan əvvəl, eyni ittihamlarla üzləşən başqa bir sabiq prezident Mixail Saakaşvili məhkəmə tərəfindən 3,2 milyon dollardan çox büdcə vəsaitini mənimsəməkdə ittiham edilərək 9 il azadlıqdan məhrum edilib. Prokurorluq bildirir ki, o, dövlət vəsaitlərini kosmetik prosedurlara, hədiyyələrə, təyyarə biletlərinə və ona yaxın adamların istirahətinin təşkilinə xərcləyib.

Qeyd edək ki, Serj Sarkisyan son vaxtlar Ermənistanın Aİ-yə üzvlüyü məsələsi barədə fikirlərini açıqlamış və bu istiqamətdə siyasi bəyanatlar vermişdi.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.