Dünya

Tokayev: Qazaxıstan Azərbaycanı etibarlı strateji tərəfdaş və müttəfiq kimi görür

11 Mart 2025 14:40

Baxış: 675

VTB-də minimal faiz dərəcəsi ilə nağd kredit 9.9%-dən

#QAZAXISTAN

Qazaxıstan Prezidenti Kasım-Jomart Tokayev Astanada səfərdə olan Azərbaycanın xarici işlər naziri Ceyhun Bayramovu qəbul edib.

APA xəbər verir ki, görüşdə Qazaxıstan lideri Azərbaycanın ölkəsi üçün qardaş ölkə olmaqla yanaşı, həm də strateji tərəfdaş və müttəfiq olduğunu qeyd edib.

Prezident Kasım-Jomart Tokayev Azərbaycanla münasibətlərin ölkəsi üçün mühüm əhəmiyyət daşıdığına diqqət çəkib.

Onun sözlərinə görə, Azərbaycanın xarici işlər naziri Ceyhun Bayramovun səfəri iki ölkə arasındakı əməkdaşlığın inkişafı baxımından önəm kəsb edir: "Biz eyni zamanda, Azərbaycanı etibarlı strateji tərəfdaş və müttəfiq kimi görürük".

Görüş zamanı tərəflər Xəzər dənizinin dibi ilə rabitə və elektrik xətlərinin çəkilməsi də daxil olmaqla, birgə layihələrin icrası ilə bağlı fikir mübadiləsi aparıblar.

Milli.Az