Dünya

"Simpsonlar"ın 2025-ci il proqnozları dəhşət doğurur - Dəmir qübbə, dollar...

7 Yanvar 2025 13:26

Baxış: 7 268

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #CƏMİYYƏT #SİMPSONLAR

"Simpsonlar" 2025-ci ilə dair maraqlı proqnozları ilə yenidən diqqət mərkəzinə düşüb.

Milli.Az xəbər verir ki, seriyaların birində 2025-ci ili işarə edən Günəş fırtınasından bəhs olunur. Bu fırtına nəticəsində bütün elektron cihazların sıradan çıxacağı proqnozlaşdırılır.

Alimlər qeyd edirlər ki, bu cür Günəş fırtınaları təxminən 100 ildən bir baş verən təbii hadisələrdir. Oxşar bir fəlakət 1922-ci ildə baş verərək dünya üzərində təsirini göstərmişdi. Əgər bu proqnoz reallaşarsa, müasir texnoloji sistemlərin tamamilə iflic ola biləcəyi düşünülür.

Başqa bir proqnoz isə ekoloji problemləri vurğulayır. Serialda iri şirkətlərin yaratdığı ekoloji fəlakətlərdən xilas olmaq üçün nəhəng qübbənin inşa ediləcəyi göstərilir. Bu qübbə, yaşamaq mümkün olmayan bölgələrdən qaçış üçün sığınacaq kimi təsvir olunur və müzakirələrə səbəb olur.

Serialın digər bir bölümü isə ABŞ dollarının tamamilə dəyərdən düşdüyü və insanların kripytovalyutalara keçid etdiyini göstərir. Bu proqnoz, 2025-ci ildə qlobal iqtisadiyyatda ciddi çöküşün baş verə biləcəyini düşündürür. Xüsusilə kriptovalyutaların sürətlə artan populyarlığı bu ssenarini daha inandırıcı edir.

Simpsonlar'ın bir çox proqnozları düz çıxıb. Məsələn, "Lisa on Ice" bölümündə sensor telefonlar və ağıllı saatlar göstərilmişdi ki, bu texnologiyalar illər sonra reallaşdı. Digər bir bölüm isə Yaponiyadan yayılan virusu əhatə edir və bu, bir çoxlarının COVID-19 pandemiyasını öncədən gördüklərini düşünməsinə səbəb olmuşdu. Həmçinin, Donald Trampın ABŞ Prezidenti olacağı ilə bağlı epizod 2016-cı ildə reallaşanda dünya təəccüblənmişdi.

İsmayıl
Milli.Az