Dünya

ABŞ-də məktəbdə atışma - ölən və yaralananlar var

16 Dekabr 2024 23:21

Baxış: 251

#ABŞ

Madison, Viskonsində yerləşən Abundant Life Xristian Məktəbində kütləvi atışmada azı dörd nəfər həlak olub.

Milli.Az xəbər verir ki, polis əməkdaşları hadisə yerinə bazar ertəsi səhər saat 10:57-də reaksiya verib. Madison polisi bildirib ki, atışma nəticəsində ən azı beş nəfər də yaralanıb. Atışmanı törədən şəxs isə məktəbin şagirdi olub və onun da öldüyü təsdiqlənib. Polislərin silah işlətmədiyi qeyd edilib.

20 akr ərazini əhatə edən bu məktəbdə uşaq bağçasından 12-ci sinfə qədər təxminən 390 şagird təhsil alır.

Bu, son iki həftə ərzində Xristian məktəbində baş verən ikinci atışma hadisəsidir. Dekabrın 4-də Kaliforniya ştatının Oroville şəhərində yerləşən Feather River Adventist Məktəbində silahlı şəxs iki uşaq bağçası şagirdini kritik dərəcədə yaralamış, daha sonra özünü öldürmüşdü. Yalnız 35 şagirdi olan bu məktəb Yeddinci Gün Adventist Kilsəsi tərəfindən idarə olunur.

Lalə Qüdrətova
Milli.Az